4.000 kasu baino gehiago jaso dituzte Eusko Jaurlaritzak eta EHUk torturari buruzko txostenean

  • 1960 eta 2014 artean Euskal Herrian izandako tortura kasuen inguruko txostena aurkeztu dute EHUko Kriminologiarako Euskal Institutuak eta Eusko Jaurlaritzak. Ikerketa zuzendu duten Laura Pego zuzenbidean doktoreak eta Pako Etxeberria auzitegietako medikuak eman dituzte datuak: aipatu urteetan Euskal Herrian 4.113 tortura kasu izan zirela dokumentatu dute.

Andoni Mikelarena @andonimik  |  Unai Brea @unaibrea
2017ko abenduaren 18a
Argazkia: Irekia / Eusko Jaurlaritza.

Aurreneko aldiz instituzio publiko batek Espainiako Estatuak torturatu izan duela onartu du eta gainera zifrak eman ditu komisarietan gertatutako tortura kasuez. 1960an frankismoaren garaian hasi eta trantsizioaren ondorengo garaietan izandako kasuak jaso dituzte txostenean.

Txostenak jasotako 4.113 kasuetatik, 1.792tan Espainiako Polizia izan da torturatzailea, 1.785etan Guardia Zibila eta 336tan Ertzaintza. Hain zuzen, EAEko poliziako ErNE sindikatuak gogor kritikatu du txostenaren edukia, "torturen salaketetan bakarrik·" oinarritu eta epai judiziala kontuan ez izateagatik. Etxeberriak eta Pegok, berriz, adierazi dute txostenaren sinesgarritasuna %95ekoa dela, eta jasotako 202 salaketa NBEren protokoloen araberako peritu-azterketa gainditu dutela.

Espainia jomugan

Europako Giza Eskubideen Auzitegiak Espainiako Estatua sei kasutan gutxienez zigortu ondoren dator txostena. 2010. urtetik Estrasburgoko Auzitegiak behin eta berriz Espainia jo puntuan jarri du tortura kasuak ez dituelako ikertu.

50 funtzionario zigortu izan dituzte urte horietan zehar torturatzeagatik. Hain zuzen 30 kondena jaso dituzte txostenean, beti ere Espainiako Polizia Nazionalari eta Guardia Zibilari lotutakoak. Ondoren horietako asko indultatu zituen Espainiako Gobernuak.

Tortura salatu dutenen gehiengoa, %83, gizonezkoak dira, Etxeberriak eta Pegok azaldu dutenez. Tortura edo tratu txarrak jasandakoen %5ek, gutxi gorabehera, kalte psikologikoak dituztela gaineratu dute, baita haientzat laguntza galdatu ere.

Kanal hauetan artxibatua: Tortura  |  Eusko Jaurlaritza  |  EHU

Tortura kanaletik interesatuko zaizu...
Sánchez Corbí: Espainian heroi egin duten torturatzailea

Iragan iluna duen pertsona da Manuel Sánchez Corbí, bere burua behin eta berriz libratu duena mesede politikoei esker. Tortura kasuengatik kondenatua eta kargua betetzeko gaitasuna kenduta, José María Aznar Espainiako gobernuburuak indultua eman zion eta orain Guardia Zibil judizialeko (UCO) burua da. Erreportaje hau Kaosenlared.net-en argitaratu da.


2018-02-16 | Topatu.eus
Gazteak eta tortura
MULTIMEDIA - erreportajea

Gazte militante belaunaldi bat markatu du torturak eta haren mehatxuak. Errepresio forma horren ertzak argitara atera dituzte Iker Morenok eta Maitane Linazasorok.


2018-02-16 | ARGIA
European Court of Human Rights Condemns Spain for Torturing Two Basques

The European Court of Human Rights has condemned the Spanish State for torturing Igor Portu and Mattin Sarasola. The judges decided that Spain had contravened the 3rd clause of the European Convention. The Spanish State has to pay the two men 30,000 and 20,000 Euros, respectively, "for moral damages".


2018-02-14 | ARGIA
Portu eta Sarasolaren kondenak berrikusiko al dituzte Estrasburgoren epaiaren ostean?

Igor Portu eta Mattin Sarasolari jarritako kartzela-zigorrak berrikusi daitezela eskatu du Sortuk, asteartean Europako Giza Eskubideen Epaitegiak emandako epaiaren ondoren: Estrasburgok Espainia kondenatu du biei kalte-ordainak ematera, jasandako tratu txarrengatik.


2018-02-13 | Sortu alderdia
Estrasburgoren epaiak agerian utzi du berriz ere tortura sistematikoa izan dela

Historikotzat jo du Estrasburgoko Giza Eskubideen Auzitegiak kaleratutako sententzia Arkaitz Rodriguezek. Izan ere, Estrasburgok Espainiako Erresuma zigortu du Igor Portu eta Mattin Sarasola torturatu zituztelako eta tortura-salaketa horiek behar beste ez ikertzeagatik. SORTUko idazkari nagusiak uste du “justizia poetikoa” egin dela torturaren aurkako egun honetan, Joxe Arregi torturatuta hil zuten egunaren 37. urtemugan. Justizia poetikoaz harago Espainiako erresuman behingoz... [+]


"Billy el Niño"-ren aurkako salaketa bat artxibatu dute ez dela "gizadiaren aurkako krimena" ebatzita

2017ko azaroan Felisa Echegoyenek Antonio Gonzales Pacheco (Billy el Niño) Francoren erregimeneko poliziaren aurkako kereila aurkeztu zuen, torturak egotzita. Orain, Madrilgo 37. Instrukzioko Epaitegiak Echegoyenen tortura salaketa artxibatu du.


Nork aginduta?

37 urte igaro dira otsailaren 13an Joxe Arregiren gorpua heriotzeraino birrindu zutenetik. Ordutik, irudi beldurgarriz gogoratu behar izan dugu egun hau. Begiak estali, ahoa isildu eta belarriak itxi nahi izan dizkigute, torturaren erabilpen sistematikoa ukatuz, egia itzalean inkomunikatuz. Gatazka politikoa ukatu nahi duten berdinek, Euskal Herriari hitza eta erabakia erautsi nahian erabilitako bortizkeria ezkutatu nahian dabiltza egun ere.


2018-02-13 | ARGIA
Portu eta Sarasolaren tortura kasuagatik Espainia zigortu du Estrasburgok

Giza Eskubideen Europako Epaitegi Estrasburgok zigortu egin du Espainiako Estatua Igor Portu eta Mattin Sarasolaren tortura kasuagatik. Torturaren aurkako Europako Konbentzioaren 3. artikulua urratu duela ebatzi dute. Kalte moralengatik 30.000 eta 20.000 euro eman beharko dizkie Espainiako Estatuak, hurrenez hurren.


2018-02-08 | ARGIA
"Ezagutzen duzu gaizkile hau? Torturengatik kondenatu zuten"

Jon Iñarritu EH Bilduren senataria Espainiako Kongresuan, halaxe zuzendu zaio Barne Ministerioko Estatuko idazkari Jose Antonio Nietori, Senatuko agerraldi batean Manuel Sanchez Corbí guardia zibilaren argazkia erakustearekin batera.


2018-02-07 | ARGIA
Torturapeko testigantzengatik espetxean daudenen zigorrak baliogabetzeko eskatu du Kalera Kalerak

Torturaren aurkako egunaren harira zenbait ekitaldi antolatu ditu Kalera Kalera dinamikak. Otsailaren 13aren bueltan tortura sistematikoa izan dela gogoraraziko dute Oarsoaldean eta "korapilo hori askatu ezean normalizaziorik ez dela izango" nabarmendu dute. Torturapean ateratako deklarazioengatik espetxean daudenak askatzeko eskatu dute.


Eguneraketa berriak daude