Alderdien interesak, Eusko Jaurlaritzaren bake planaren oztopo
Espainiako Gobernuko indar politikoen “interesak” dira oztopo nagusi Jaurlaritzaren Bake eta Bizikidetza Planean. Hala adierazi du Gatazken eta Ekintza Humanitarioen Ikerketen Institutuak (IECAH) egindako txostenak.
Noticias taldeko egunkariek argitaratu dutenez, Espainiako Gobernuaren “pasibotasuna” azpimarratu dute azterketaren egileek planaren oztopo nagusi bezala. Adituen arabera, Rajoyren gobernuak ez du inplikatu nahi izan ETAren desarmatzeak“epe laburrean inolako onurarik ez dakarkiolako”.
Dokumentuaren egileek ondorioztatu dute, bestalde, Jaurlaritzaren proiektua “globala, beharrezkoa, anbiziotsua, errealista eta orekatua” dela, eta “erantzunkizun politikoko lanketa” garrantzitsutzat jo dute.
Biktimen papera, garrantzitsua
Adituek positibotzat hartu dute biktimek planean jokatzen duten papera. Txostenaren arabera, proiektuak erdigunean kokatzen ditu biktimak, eta egiaren, justiziaren, konponketaren eta bermeen aitortzan “lan handia” ari da egiten.
Eusko Jaurlaritzak biktimen elkarteekin duen harremanari begira, iraganeko hainbat blokeori aurre egitea lortu dutela adierazi du txostenak, baina adituek azpimarratu dute oraindik hainbat biktimen elkartek “ez dagokien indarra daukatela”. Elkarte hauekin duten transmisio loturarekin amaitzeko eskatu diete alderdiei.
Analisia osatzeko, proiektuaren jarraipen zuzena egin dute teknikariek, eta 67 pertsona elkarrizketatu dituzte. Elkarrizketatuen artean biktimen senideak, unibertsitateko adituak edota komunikabideetako profesionalak egon dira.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]