98 urterekin, Felix Padin CNTko kideak lehen aldiz diktadura frankistan bizitakoa deklaratu du epaile aurrean. Frankismoko krimenen aurka Argentinan abian dagoen kereilaren baitan egin zituen deklarazioak astelehenean Miranda de Ebroko auzitegian.
Miranda de Ebron egon zen preso hain zuzen Padin. “Langile batailoiak” deitzen zitzaien taldeetan, presoak esklabo gisa nola erabiltzen ziren kontatu dio epaileari.
Padinen agerraldiari “balore bikoitza” eman dio CNTk: “frankismoko izugarrikeriak” auzitegi batean azaldu dituen lehen aldia izan delako eta “oraindik areketan lurperatuta jarraitzen duten kideak ohoratu” dituelako.
Deklaratzera sartu aurretik, miliziano ohiari babesa eskaintzeko elkarretaratzea egin zuten epaitegi kanpoan. CNT partaide den Frankismoaen Krimenen Aurkako Kereilaren Euskal Plataforma bertan izan zen.
Padinek “estatu terrorismoa” sufritu zutenei ahotsa eman diela adierazi zuen sindikatuak, baita “demokratikoz mozorrotutako estatu berak polizia eta militar hiltzaileak babesten jarraitzen dutela ikusten duten lagunei” ere.
Modu berean, erakunde anarkosindikalistak salatu du Espainiak “ikertu nahi ez duena ikertzeko” beste estatu bateko auzitegietara jo behar izan dutela biktimek. Hala ere, zigorgabetasunaren aurkako “une historikoa” dela adierazi du.
“Leku bateko edo besteko epaileek edozer erabakita ere, CNTk bere militanteen memoria eta ohorea defendatzen jarraituko du”, azaldu du zigorgabetasun frankistaren kontrako borrokan berretsiz.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]