Gorriz margotu dute Iruñeko Erorien Monumentua, ‘Caídos eraitsi’ eta ‘Faxismoaren aurka lehen lerrora’ aldarripean
Astearte gauean egin dituzte pintaketak, bizilagunek azaldu dutenez. Fatxada nagusia, bertako ateak eta alboetako paretak margotu dituzte. Gazte Koordinadora Sozialistak urtarrilaren 25rako deitutako mobilizazioarekin bat egiten du aldarriak.
Iruñeko Erorien Monumentua gorriz margotuta agertu da asteazken goizean, eraikinaren eraistearen aldeko eta faxismoaren kontrako pintaketekin. Ate nagusia, bertako zutabeak, paretak eta eskailerak gorriz margotu dituzte, eta Caídos eraitsi nahiz Faxismoaren aurka lehen lerrora idatzi dute alboetako paretetan. Auzokideek azaldu dutenez, bart egin dituzte margoketak, astearte arrastian ez baitzegoen pintaketarik.
Urtarrilaren 25ean Gazte Koordinadora Sozialistak Euskal Herrian agenda belizistaren eta faxismoaren normalizazioaren kontra antolatu dituen manifestazioekin bat egiten du aldarrikapenak. Gerraren eta faxismoaren aurka, gazte langileok lehen lerrora! lelopean egingo dute mobilizazioa.
Eraistea eskatzeko mobilizazioa larunbatean
Urtarrilaren 18an, larunbatean, 3.000 lagunek Erorien Monumentuaren esanahi berria gaitzesteko eta eraistea galdegiteko manifestazioa egin zuten Iruñean, Caídos eraitsi orain lelopean. 33 elkarte memorialistak eta hainbat kolektibok deitu zuten mobilizaziora, eta PSNk, EH Bilduk eta Geroa Baik eraikina zutik mantentzeko egindako akordioa “nahikoa ez dela” kritikatu zuten.
Mugimenduaren bozeramaile den Koldo Amatriak nabarmendu zuen duela urte bat hasi zela eraikinaren eraistea eskatzeko borroka, eta kolektiboak “fededun daudela” helburua erdiesteko. Yolanda Ansó eledunak ere monumentua eraitsi egin behar dela azpimarratu zuen, are gehiago Francoren heriotzaren 50. urteurrenean. “Opari handia izango litzateke herritarrentzat; legeak gizakienak dira eta alda daitezke”, adierazi zuen, eta PSN, EH Bildu eta Geroa Bairi “erabakia zuzentzeko” eskatu zien.
Koldo Amatria eledunak gogoratu zuen eraikinak “frankismoaren ikur izaten jarraitzen duela, nahiz eta elementurik ikusgarrienak kendu”. Azaldu zuenez, duela 20 urte bere kanpoaldea estali eta erakusketa areto bihurtu zen, "baina inork ez du horrela ezagutzen", arazoa eraikina bera delako, bere esanetan.
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]