Esperientzia sentsorialtzat dauka zinema Yulene Olaizola zuzendari mexikarrak: espazio bat deskubritu eta hura arakatzera jotzen du eta gidoiaz haragoko edozein aldaketa jasotzeko zentzumenak adi izaten ditu. Aurtengo Zinemaldian aurkeztu zuen Selva trágica (Oihan tragikoa), bere ibilbideko bosgarren film luzea. Ez zen Donostian izan pandemia zela-eta. Eta ez daki zinema aretoetan aurkeztu ahal izango duen.