Irailaren 19an piztu zen beste behin ere sutea Hendaiako atxikitze zentroan. Uda honetako hirugarren sutea. Bertan preso dituzten 24 lagunak bertatik atera eta bi ospitaleratu behar izan zituzten. Bertakoen "xok egoeraz" ohartarazi du Cimade elkarteak. Ikerketa abiaturik da, baina, orokorrean, "segurtasun neurriak" ez direla beteak dio etorkinen eskubideen alde dabilen elkarteak.

Hori horrela, orain arte zentroaren barnetik laguntza eskaintzen ari baldin bazen ere, bertatik lekutzea erabaki du Cimadek: "Ez dugu esku hartuko giltzapetuak direnen segurtasuna bermatzen ez den bitartean". Dena dela, argi du: Hendaiako itxiera zentroa hestea ezinbestekoa da.

Bizi baldintza txarrak dituzte bertakoek eta egoera txartuz doa eta tentsio uneak berriz gora. Muturreko egoeraren isla, iraila hastapenean bere buruaz beste egitea saiatu zen etorkin bat.