Loiuko aireportuan ekintzaile saharar bat atxikita daukate duela 10 egunetik

  • Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko errekurtsoa” onartzen ez badute, bihar goizean deportatuko dute.


2024ko uztailaren 04an - 12:50
Azken eguneraketa: 2024-07-05 11:41:58
Loiuko aireportuko onartu gabekoen gelan dute atxikita gizon sahararra. Argazkia: EITB.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Ekainaren 23an Loiuko aireportuan Espainiako Polizia Nazionalak sarrera ukatu zion gazte saharar bati, Marokotik Kubara zihoan hegaldi batetik zetorrena, Bilbon eta Madrilen eskala egin behar zuena. Gizonak pasaportea indarrean du baina baimenak "behar bezala" ez ditu, eta argudio horrekin 10 egun inguru daukate atxikita Loiuko aireportuko onartu gabekoen gelan. Aktibistak asilo eskaera egin du, baina Espainiako Gobernuak ukatu egin dio.

Hasieran marokoarra zela esan bazen ere, gizonak adierazi du sahararra dela, jazarritako ekintzaile politikoa eta zuzenbide ikaslea dela, eta Frantzian errefuxiatu gisa hartutako senideak dituela. Javier Galparsoro Zehar Errefuxiatuekin elkarteko presidenteak uztailaren 3an egindako prentsaurrekoan adierazi du sahararrak Marokora deportatzekotan espetxeratua izateko beldurra duela eta “Maroko ez den edozein herrialdetara” deportatzea eskatu duela. Hasiera batean osteguneko 07:00etan deportatuko zutela iragarri bazuten ere, atzeratu egin dute. Zehar Errefuxiatuekin elkartea asilo-ukatzearen aurkako errekurtso sorta programatzen ari da. Abokatuek “erreguzko errekurtsoa” aurkeztu diote Espainiako Auzitegi Nazionalari deportazioa eteteko eta errekurtsoa onartzen ez badute, ekintzaile sahararra bihar goizean deportatuko dute, EITBk jaso duenez.

ACNURek adierazi duenez, sahararra izanda asilo-eskubidea du eta Aberrigabeen Estatutuari atxikitzea eska dezakeela nabarmendu du Galparsorok, EITBk informatu duenez. Elkarteak “behin-behinean sartzeko baimena ematea” espero du, eta asiloa ukatzearen errekurtsoak eta aberrigabe izatearen eskaerak denbora gehiago beharko dutela adierazi dute. “Asilo eta Babeserako Bulegoak lau eguneko epea du asilo-eskaera onartu den edo ez jakinarazteko”, adierazi du Galparsorok. Zehar Errefuxiatuekin elkarteko presidenteak Loiun jazotakoaren dokumentazio guztia Madrilera bidali beharrak suposatzen duen “zailtasuna” azpimarratu du.

 

Elkarteen eta aireportuko langileen babesa

Mugak Zabalduz eta Ongi Etorri Errefuxiatuak elkarteek adierazpen bateratua zabaldu dute, eta ekintzaile sahararraren egoera salatu. Elkarteen esanetan, deportazioa “ez dago legean eta zuzenbidean oinarrituta”, eta “arriskuan jartzen du pertsona horren bizitza”. Sahararra Loiuko aireportuan bizitzen ari den egoera salatu dute, eta haien esanetan gizona “aireportuko langileek eta Zehar Errefuxiatuekin elkarteak artatu behar izan dute”.


Kanal honetatik interesatuko zaizu: Mendebaldeko Sahara
Hamalau egun atxikita egon den saharar ekintzaile politikoa libre utzi dute

Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]


Loiuko aireportuan atxikitako gaztea deportatuko dute, Espainiako Auzitegi Nazionalaren aginduz

Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]


2024-03-20 | Reyes Ilintxeta
Kristina Berasain. Sahararekin kateatuta
“Palestinakoa ikusita, zer egingo du orain Marokok Sahararekin?”

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2023-12-22 | Euskal Irratiak
Saharari buruzko euskarazko lehen kazetaritza kronika idatzi du Kristina Berasainek

Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.


‘Saharari kantari’ diskoaren kontzertu solidarioa egingo dute Donostian

Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]


Palestinan bezala Mendebaldeko Saharan ere, okupatzailea beti espoliatzaile

Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]


2023-07-19 | Leire Artola Arin
Israelgo Gobernuak formalki onartu dio Marokori Mendebaldeko Sahara euren menpe dagoela

Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.


Ez da amnesia, monarkia da

Espainiako Kanpo Arazoetarako ministroak ukatu egin du Espainia Mendebaldeko Sahararen potentzia administratzailea dela. Baina bada.

Urteetan, Espainiak Sahararen gaian neutrala zela zioen, nahiz eta gezurra izan: partziala zen, oso. Marokoren alde. Palestinako Aginte... [+]


2023-01-20 | ARGIA
Fronte Polisarioak Marokoren aurkako borroka armatua indartzea erabaki du bere kongresuan

Marokok 2020an ia hiru hamarkadatako su etena hautsi zuenetik, gerra berrabiarazi dute Rabatek eta Mendebaldeko Saharako askapen mugimendu nazionalak. Polisarioa XVI. Kongresua egiten ari da egunotan, eta estrategia berria eztabaidatzen ari dira. Buruzagitzan Brahim Galik... [+]


Loueila Sid Ahmed Ndiaye. Justizia eskubide
“Migratzaileen oinarrizko eskubideak sistematikoki urratzen dira”

Azaroko igande eguzkitsu bat da eta Hernaniko Kulturarteko Plaza Feministara joan naiz, erresistentzia istorioen Hariak zinemaldia antolatu dutela eta. Bertan parte hartu du, besteak beste, Loueila Sid Ahmed Ndiaye abokatua sahararrak, zeina Kanaria Uharteetan bizi baita... [+]


Jadiyetu El Mohtar Sidahmed
“Sahararron borroka ezin da bereizi borroka feministatik”

Mendebaldeko Saharan Marokok okupatutako lurretan bizi diren emakumeen borrokaz mintzatu da, Sultana Khayaren bizipenak ardatz. Khayak biolentzia pairatu eta bideo bidez dokumentatu du.


2022-05-16 | Hala Bedi
Elkarretaratzea egin dute PSE-EEren Gasteizko egoitzan Mendebaldeko Sahararen alde

Gobernuari exijitu diote alda dezala Mendebaldeko Sahararekiko duen posizionamendua.


2022-04-11 | ARGIA
Fronte Polisarioak harremanak hautsi ditu Espainiako Gobernuarekin

Pedro Sánchezen gobernuak Sahara Mendebalderako Marokoren autonomia proposamenarekin bat egin ostean dator erabakia.


Eguneraketa berriak daude