Bidasoan itotako gaztea Abdoulaye Coulibaly zen, 18 urteko ginearra
Maiatzean, patera batean heldu zen Kanaria uharteetara. Frantziara gurutzatu nahi zuen familia kide batekin elkartzeko asmoz. Hiru hilabetetan, Gipuzkoa eta Lapurdiren arteko mugan hil den hirugarren pertsona da Coulibaly.
Igandean Bidasoa ibaia gurutzatzeko ahaleginetan hildako pertsona Abdoulaye Coulibaly zen, Ginea Konakryn sortutako 18 urteko mutila. Asteartean jakinarazi ditu datuok Eusko Jaurlaritzak. Azaldu dutenez, gazteak hiru hilabete zeramatzan Espainiako Estatuan eta Frantziara igaro nahi zuen familia kide batekin elkartzeko asmoz.
Coulibalyk Kanaria uharteetan hasi zuen bidea. Maiatzaren 23an heldu zen bertara, 65 pertsona zeramatzan patera batean. Noticias de Gipuzcoa hedabideak azaldu duenez, Puerto Ricoko portutik ia bi kilometrora erreskatatu zituzten segurtasun indarrek ontzian zetozenak. Lehorreratu eta hiru egunera, Gurutze Gorriak kudeatzen duen kanpamentu batean artatu zituzten. Babesgabeak zirelako, elkarteak migranteak penintsulara eramateko eskatu zuen.
Lekualdaketa onartu ondoren, ekainaren 29an heldu zen Coulibaly penintsulara, eta Kataluniako Granollers herriko Gurutze Gorriko zentro batean egon zen hilabete inguru. Abuztuan, ordea, bertatik alde egin eta Gipuzkoarako bidea hartu zuen. Hilaren 5ean heldu zen Irunera, eta Iruleen kaleko dispositiboan artatu zuten.
Igandean, hiru egun geroago, Frantziara igarotzeko muga zeharkatzen saiatu zen. Bertan, osaba batekin elkartzeko asmoa zuen, SER hedabideak jakinarazi duenez. Halere, Bidasoa ibaia gurutzatzeko ahaleginetan ito zen Coulibaly. Lekuko batek uretara nola sartzen zen ikusi zuen, eta erreskatatzen saiatu zen. Baina korronte indartsuengatik atzera egin behar izan zuen. Suhilatzaileak heldu zirenerako, ezin izan zuten ezer egin 18 urteko gazteari laguntzeko.
Asteleheneko elkarretaratzea
Hiru hilabetetan, Gipuzkoa eta Lapurdiren arteko mugan hil den hirugarren pertsona da Coulibaly: apirilean, Eritreako gazte batek bere buruaz beste egin zuen bertan; maiatzean, Boli Kostako gizonezko bat zendu zen itota. Abuztuaren 9an, Irunen elkarretaratze jendetsua egin zuten asteburuko heriotza salatu eta Europako migrazio politikak aldatzea eskatzeko.
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Andoni Gabantxo arrantzale bermeotarrak Mastodon sare sozialean argitaratu zuen haria artikulu formatuan ekartzen dizuegu, bere oniritziarekin. Gaurko errefuxiatuei buruzko eztabaidetan ez dezagun ahantz atzoko hainbat errefuxiatu gure arbasoak zirela, hemengo portuetatik ihes... [+]
Gutxienez zortzi migratzaile hil dira Manchako kanalean, Frantziako Ambleteunse hiritik Erresuma Batura zeramatzan ontzia hondoratuta. Aurten, 45 lagun hil dira jada Erresuma Batura iritsi nahian. Bestetik, Espainiako Ceutara igerian heldu nahi zuen pertsona bat ito da igandean... [+]
Mendebaldeko herrialde aberats gehienetan ultraeskuina etengabe eztenka ari da migratzaileekiko gorrotoa eta arrazismoa akuilatzen. Deportazio planei ekitea izan da gobernu askoren erantzuna, izan afganiarrak talibandarren eskutan uzteko, Alemania pentsatzen ari den moduan, edo... [+]
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Kanporatze agindu mehatxua gainean du Moussa txantrearrak. Bizilagunak bildu dira prozesuari aurre egiten laguntzeko.
Mugak Zabalduz karabanarekin, Bosnia Herzegovinako Bihac hirian, Nihad Suljic aktibistak Drina ibaia Balkanetako hilobi handiena dela azaldu zigun. Ahantzi ez daitezen, topatzen diren hilotzak identifikatzeaz eta ehorzketa emateaz arduratzen da, merezi duten duintasuna aitortu... [+]
Nerea Melgosa sailburuak esan du "ezinbestekoa" dela Espainiako Gobernuak bere migrazio-politiken berri ematea, autonomia-erkidegoek ez baitute "inongo ezagutzarik".
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
Caminando Fronteras gobernuz kanpoko erakundearen arabera, iaz 6.007 pertsona hil ziren Kanarietako Bidean itota. 2023an 39.910 migratzaile iritsi dira Kanariar Uharteetara. Espainiako Estatuko presidente Pedro Sánchez hurrengo egunetan Gambia, Senegal eta Mauritaniako... [+]
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Furgonetan “egoera irregularrean” zeuden hamabi pertsona zeramatzala adierazi du Ertzaintzak. Bidaiariek onartu dute Frantziatik Portugalera joateagatik 300 eta 600 euro artean ordaindu dituztela.
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.