ARGIA.eus

2022ko ekainaren 25a

Parlamentuei eskatu diete Greziako errefuxiatu esparruetako haurrei Ukrainakoei bezalako harrera egiteko

  • Ongi Etorri Errefuxiatuak eta Mugak Zabalduz elkarteek ekimen bat abiatuko dute Euskal Herrira ekartzeko “baldintza oso ahuletan” dauden Greziako errefuxiatu kanpamenduetako haurrak. Nafarroako Parlamentuaren aurrean elkartu dira, exijitzeko ume horiei berme eta babesa eman diezaieten, Ukrainatik etorritakoei egiten dieten gisan.

ARGIA @argia
2022ko maiatzaren 25a

Greziako errefuxiatu esparruetan osasun-laguntzarik eta elikadura duinik gabe dauden “baldintza oso ahuleko” haurrak Euskal Herrira ekartzeko bidea egingo dute Ongi Etorri Errefuxiatuak eta Mugak Zabalduz elkarteek, asteazkenean prentsaren aurrean jakinarazi dutenez. Euren helburua da “osasun-arazo larriak” dituzten umeei hemen arta egokia ematea, eta argitu dute Mugarik Gabeko Medikuen txostenak zein hango egoera ezagutzen duten lankideen laguntza izango dutela.

Baina hori ez denez nahikoa, zuzenean Nafarroako Parlamentuari eta Eusko Legebiltzarrari zuzendu zaizkie, eskakizun zehatzak egiteko, eta galdegin dute Ukrainako haurrekin hartzen diren erabakiak gainerako errefuxiatuentzat ere baliatzeko. Espainiako Barne Ministerioari ere helarazi diote eskakizunen dokumentua. Hiru eske nagusi egin dizkiete:

- Aldi baterako bizitoki baimena ematea salbuespenezko arrazoi humanitarioengatik.

- Giza korridoreak irekitzea, Sant ‘Egidioko Komunitatearen adibidea eredutzat izanda, besteak beste.

- Onartzea Atzerritarren Ezohiko Erregularizaziorako Legegintzako Herri Ekimena (sinadura bilketa fasean dago).

Ukrainako iheslarien bidetik

Elkarteek babestu egin dute Ukrainako gerratik ihesi datozen herritarrei asiloa emateko aktibatu duten zuzentaraua, eta haiei Europar Batasuneko herrialdeek “harrera duina” egitea ere bai. Gogorarazi dute estatu guztiek “inolako salbuespenik gabe” errespetatu eta bermatu behar dituztela migrazio-bideak, eta halaxe dioela Espainiako Estatuak 2018an sinatutako itunak.

Dena den, ohartarazi dute ez dutela betetzen: “Ez gatoz bat beste leku batzuetan (Siria, Afganistan, Irak, Kurdistan…) sortutako antzeko egoeretatik ihes egiten duten beste pertsona batzuei tratu ez-duina ematearekin”. Beraz, instituzioei eskatu diete ekimena aurrera eramateko babesa eta bermea eman diezaieten Greziatik ekarri nahi dituzten iheslariei.


Ongi Etorri Errefuxiatuak kanaletik interesatuko zaizu...
Euskal Herriko hainbat herritan kalean lo egingo dute harrera duina eskatzeko

Migratuen eta arrazializatuen kolektiboek eta elkarri laguntzeko sareek eta kolektiboek gau osoko kontzentrazioa deitu dute ekainaren 8an Bilbo, Donostia, Gasteiz, Iruñea, Barakaldo, Irun eta Artean, harrera duina aldarrikatzeko.


Arantza Gutierrez, Ongi Etorri Errefuxiatuak plataformako kidea
"Pertsona guztiek libreki mugitzeko eskubidea izan beharko lukete; lekua dago denontzat"

Hilabete baino gehiago igaro da Ukraina eta Errusiaren arteko gerra hasi zenetik. Tarte horretan, milioika pertsonak ihes egin behar izan dute beren herrietatik biolentziatik ihesi. Hala, errefuxiatuen afera lehen lerroan jarri da berriro ere, eta horren inguruan gehiago... [+]


Zazpigarrenez, kalean lo egitera atera dira Donostian

Hiritarron Harrera Sareak kalean lo egitera deitu ditu herritarrak, beste behin ere. Ondarretako La Sirena aterpetxea neguko egun guztietan ireki dezatela eskatzeko protesta gisa, zazpigarren aldiz elkartu dira asteazkenean, hilaren 24an, Gipuzkoa plazan, aldundiaren arkupeetan,... [+]


300 bat lagun batu dira Ziburun hildako etorkinen oroimenez eta migraziorako "bide seguruak" galdetzeko

Urriaren 12an Ziburun trenak atzemandako lau lagunetatik bakarra atera da bizirik. Polizia judizialari zehaztu dio poliziaren kontrolak saihesteko zirela trenbidean.


Hendaiako atxikitze zentroaren hestea galdetzen du Cimade elkarteak

Hiru sute izan dira uda honetan Hendaiako etorkinen atxikitze zentroan. “Amorruaren politikaren bukaera” eskatzen du etorkinen eskubideen alde dabilen elkarteak. Bizkitartean, zentrotik ateratzea erabaki du Cimadek, hori horrela, ez du bertatik laguntzarik eskainiko.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude