Mikroplastikoak aurkitu dituzte Antartikako elurretan, lehen aldiz
Zeelanda Berriko Canterbury Unibertsitateko hainbat ikerlarik egin dute aurkikuntza, baina ez dakite noiztik dauden mikroplastikoak bertan.
Ikerketaren arabera 29 mikroplastiko-partikulako batez besteko kontzentrazioa dago Antartikako elurretan. Zenbateko horrek gainditu egiten du berriki Ross itsasoaren eta Antartikako izotz hesiaren artean zenbatutako mikroplastiko kopurua. Batez ere zuntzak aurkitu dituzte eta gehien agertu den plastiko-mota Polia (Polietilen tereftalato) izan da. Plastiko-mota hori botilak, ontziak eta ehunak egiteko erabiltzen da gehienbat. Laginak 2019an jaso ziren.
Plastikoa nondik irten den jakitea zaila dela aitortu eta bi aukera daudela ziurtatu du ikerketak: bertan sortutakoak izatea edo mikroplastikoak urrunetik iritsi izana. Bertan sortutakoak izan daitezkeela aipatzen du ikerketak, izan ere, betan ikerlanean ibiltzen direnen jantzien zatiak izan daitezke edo ikerketa-estazioetako plastikozko ekipoen zati txikiak, edo gaizki kudeatutako hondakinen ondorioa. Ikerketaren arabera, urrunetik iritsi izana ere posible da, izan ere ozeanoko korronteek edo irismen labur edo luzeko zirkulazio atmosferikoak garraiatu ahal izan dituzte mikroplastiko horiek.
Ikerketa Zeelanda berriko Canterbury Unibertsitateko ikerlari talde batek egin du. Taldeko kide dira Alex R. Aves, Laura E. Revell, Sally Gaw, Helena Ruffell, Alex Schuddeboom, Ngaire E. Wotherspoon, Michelle LaRue eta Adrian J. McDonald. The Cryosphere aldizkari zientifikoan argitaratu da ikerketa.
Baseen inguruan mikroplastiko gehiago
Bataz besteko mikroplastiko-partikulen kontzentrazioa 29 partikulakoa da, elur litro bakoitzeko. Hemeretzi lagin erabili dituzte ikerketa aurrera eramateko. Mikroplastiko-kontzentrazio maila altuena Scott eta McMurdo baseen inguruan aurkitu zen, komunikatu batean zehaztu zenaren hirukoitza: 82 partikula litroko. Maila baxuena Erebus glaziarraren mihian aurkitu zen: 4 partikula litro bakoitzeko.
Glifosato herbizida erabiltzeko baimena beste hamar urterentzat luzatu zuen azaroaren 16an Europako Batzordeak. Erabaki inkoherentea, ikusirik produktuaren toxikotasuna frogatzen duten ehunka ikerketa zientifiko daudela publikaturik. Inkoherentea ere, jakinik AEBetako 113.000... [+]
Zenbat eta gehiago egon intsektiziden eraginpean, orduan eta txikiagoa da espermatozoideen kontzentrazioa. Ondorio hori atera dute azken 50 urteetan mundu osoan egindako 25 ikerketa berrikusita. Environmental Health Perspectives aldizkarian argitaratu dute azterketa.
Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]
Glifosatoa baliatzeko hamar urteko luzapena babestu du Europako Batzordeak. Herbizida gisa munduan gehien erabiltzen den produktu kimikoa da, eta potentzialki minbizi sortzaile izateagatik ezaguna da.
Eternoak deitzen diete, betierekoak. Ez dute su hartzen, ez dira hausten eta betirako irauten dute. PFAS izeneko konposatuak duela ia mende bat sintetizatzen hasi zirenetik, gauza askotarako erabili izan dira, berdin zartaginean arrautza ez itsasteko nola mendiko txamarraren... [+]