Urtebete dela elkartasun biltegia jarri zuen martxan Gasteizko Herrizoma elikadura sareak. Hilabetean behin oinarrizko elikagaiak eskatzen dituzte supermerkatuetako sarreretan, eta han bildutakoekin zein Errekaleorren duten ortu komunitarioaren produktuekin saskiak osatzen dituzte, beharra duten sareko familiek hartu ditzaten. Elkartasun biltegiaz, kolektiboaren ibilbideaz eta aurrera begirako erronkez mintzatu gara Aitor Korres Abaitua eta Fatima Berkaoui Ondur sareko kidekin.