Ikasleen erdiak egiten dute otordu bat gutxiago Frantziako Estatuan, diru falta dela-eta
Berokuntzari edo higiene-produktu batzuei ere uko egin behar diete ikasleen ia erdiak, Cop1 erakundeak argitaratutako ikerketa baten arabera. %25ek 50 euro baino gutxiago izaten dituzte eskura, alokairua eta tasak ordaindu ondoren.
Cop1 erakundeak, Ifop institutuarekin elkarlanean, hainbat ikasle elkarrizketatu ditu Frantziako Estatuan, eguneroko gastuei aurre egiteko daukaten gaitasunaren (edo ezintasunaren) berri izateko. Zehazki, erabilera propiorako elikagaiak, higiene-produktuak, alokairua, tasak eta abar ordaintzeaz arduratzen diren ikasleekin hitz egin dute ikerketa egiteko. Estatuko 812 ikasle galdekatu dituzte, baita Cop1-en zerbitzuetara jo duten 746 gazterekin ere.
Emaitzek erakusten dutenez, elkarrizketatutako gazteen ia erdiak, %46k, egunean otordu bat gutxiago egin behar izaten du gaur egun, elikagaien kostuari aurre egiteko gaitasun faltaren ondorioz. Erdiak diote zenbait elikagai erosteari utzi behar izan diotela, prezioak direla-eta.
Diru faltaren eraginez baztertu beharrekoak, ordea, ez dira elikagaiak soilik. Elkarrizketatutako gazteen artean, %40 baino gehiago dira, esaterako, hainbat higiene-produktu erosteari uko egin behar diotenak. Eta aisialdiari lotuta ere nabarmenak dira murrizketak; erdiak baino gehiagok aitortzen dute zenbait irteera eta zaletasun alboratu behar izan dituztela diru falta dela-eta.
50 euro baino gutxiago
Ikasleen laurdenak, gainera, azaldu dute 50 euro baino gutxiagorekin geratzen dela euren kontu korrontea, etxeko alokairua eta tasak ordaindu eta gero. Laurdenak baino gehiagok, %29k, epemugatik kanpo ordaindu behar izaten dituzte tasak.
Arroz kiloa euro eta hamahiru zentimo garestitu ditu Mercadona supermerkatu kateak otsailaren 7tik martxoaren 1era. FACUA kontsumitzaileen elkarteak mila elikagai baino gehiagoren prezioak aztertu ditu Espainiako Estatuko zortzi supermerkatu kate handietan. Urtea hasi denetik,... [+]
Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?
2019ko abendutik 2021eko abendura munduan sortu den aberastasunaren bi heren %1 aberatsenen esku geratu da, Oxfamek kalkulatu duenez. Muturrerantz ari dira aberastasuna eta pobrezia mende honetan: hamarretik pertsona batek gosea pasatzen du –820 milioik–, eta... [+]
Enpresen dibidenduak akziodunen artean ez ezik, langileen artean ere banatu behar direla defendatu du Angel Toña Jaurlaritzaren Lan sailburu izan zenak Euskadi Irratian eginiko elkarrizketan: "Enpresaburu makalak dauzkagu, eta argi esan behar da, politikariek ezin... [+]