ARGIA.eus

Itzulpen automatikoa / Machine translation

Bost urtean, ia bikoiztu egin da seme-alabarik eduki nahi baina ezin duten gazteen kopurua EAEn

  • Urte gutxiren buruan lanik aurkituko dutela uste dutenen kopurua 20 puntu beherago kokatzen da bost urteren ostean. Norberaren gogobetetzearen balorazioari dagokionez, 10 puntu jaitsi da 2015etik.

Artikulu hau CC BY-SA 2.0 lizentziari esker ekarri dugu.

2024ko otsailaren 13an - 06:59

Urtetik urtera gorabeherak egon arren, gazteen etorkizunarekiko aurreikuspenak beheranzko joera izan du azken hamarkadan. Hala baieztatzen dute datuek: Eusko Jaurlaritzak urtero kaleratzen du Aurerra begira txostena, eta gazteek euren buruaren egoeraz duten balorazioa biltzen da bertan, bai eta etorkizunera begira dituzten aurreikuspenak ere. 2023ko txosteneko datuek erakusten dutenez, egoerak okerrera egin du azken hamar urteetan, eta, gazteen iritziz, ez du hobera egingo datozenetan.

2019an %92k uste bazuten bost urteko epean lana topatuko zuketela, 2023rako, %72k baino ez dute hori uste

Egoera pertsonalari, gazteenari eta Arabako, Bizkaiko eta Gipuzkoako egoerari dagozkien adierazleak bost puntu beherago kokatzen dira 2019arekin alderatuta. Norbere zoriontasunaz galdetzean, eta horretarako ikasketak, familia, denbora librea edota osasun mentalaren aldagaiak kontuan harturik, 10 puntu jaitsi da balorazioa 2015etik.

Halaber, seme-alabarik edukitzeko asmoa izan arren, laurdenak baino gehiagok (%26) adierazi zuten gaur egun ezinezko dutela, nagusiki, arrazoi ekonomikoak direla medio. 2017arekin alderatuz, ia bikoiztu egin da egoera hori aipatzen dutenen kopurua, orduan %14koa baitzen.

Bestalde, etorkizunari buruz galdetzean, datuek ez dute hobera egiten: 2019an %92k uste bazuten bost urteko epean lana topatuko zuketela, 2023rako, %72k baino ez dute hori uste. Hau da, 20 puntuko beherakada izan da. Datu hori emantzipatzeko aukeretan ere islatzen da: urtebeteko epean emantzipatu nahiko luketen arren, %43k diote gurasoekin bizitzen jarraitu beharko dutela edo, independizatzea lortu badute ere, beren borondatearen aurka, etxera itzuli beharko direla.

%12k lana mantenduko zutela uste zuten, baina baldintza okerragoekin; 2018an, ia erdiak (%7) zioten hori bera

Galdeketa egiterakoan, soldatapeko lanean ari zirenen artean, %27k iritzi zioten urtebete igaro baino lehen galduko zutela lana; alegia, 2018an baino %4 gehiagok. Beste %12k, ordea, lana mantenduko zutela uste zuten, baina baldintza okerragoekin; 2018an, ia erdiak (%7) zioten hori bera. Datozen bost urteetan euren egoera orokorra hobetuko ote den ere galdetu zieten inkestatuei, eta gazteen %59k erantzun zuten baiezkoa. 2018an, %75ek egin zuten.


Kanal honetatik interesatuko zaizu: Gizartea
Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


2024-03-05 | Estitxu Eizagirre
Alazne Intxauspe, Etxaldeko Emakumeak:
"Oso ondo uztartzen gara mugimendu feministarekin, gure lanbideak bizitza jartzen duelako zentroan, ezinbestean"

Emakume Langileen Eguna dela-eta, galdera hau zuzendu die Eli Pagolak Egonarria saioko ikusentzuleei: "Zer datorkizu burura emakume langile hitza entzundakoan?". Ba al datorkigu emakume baserritarraren irudia? Alazne Intxauspe elkarrizketatu du, ekologikoan ari den... [+]


Eskola estigmatizaturik ez Judimendin: familia euskaradunek ere izena eman dute auzoko eskolan

A ereduko eskola D ereduko bihurtzea erabaki dute Gasteizko Judimendi auzoan, eta aurre-matrikulazioak emaitza nabarmena utzi du: orain arte profil erdalduna zuen eskolan, 2 urteko gelan izena eman duten 15 umeetatik erdia inguru familia euskaradunetakoak dira... [+]


Eguneraketa berriak daude