Maiatzaren 23 arratsaldean Gasteizko kaleak hartu ditu protestak. Antolatzaileen arabera, milaka dira batu diren pertsonak eta mobilizazioak 200 eragileren babesa jaso du: Arabako udal eta administrazio batzarrenak eta Euskal Herri osoko eragileena. "Herriak ez dira saltzen! Araba ez dago salgai!" aldarrikatu du Araba Bizirik plataformak, manifestazio bukaeran; eta borroka fruituak ematen ari dela nabarmendu du.