Oskarbi Ere Etengabeko Lanean "Olentzero" Eta "Hitz Urri Batzuk" Bi L.P. Berriak

1976ko abenduaren 12a
Koldo Romerori (Oskarbi taldearen gidari) elkarrizketa

Oskarbi Ere Etengabeko Lanean "Olentzero" Eta "Hitz Urri Batzuk" Bi L. P. Berriak
Abenduak 13rako prestatua dago Oskarbiren bi L.P. berri hauen aurkezpena. Ezaguna dugu Oskarbi, ezagunak Euskal Herrian zehar erakutsi eta azaldu dituen lanak. Hamarren bat urte badira Oskarbi abestaldea plazaratu zela eta geroztik amaika saio, kantaldi eta jaialdi,eskainia du gure eusko lurraldean.
Ez dugu oraindik bi disko berri hauk entzuteko egokierarik izan, baina benetan irrikitzen gaudela, zai zai jarriak gauzkala esan beharrean gara.
Xehetasun gehiagoren berri jakin neharik, Oskarbi taldearen gidari, arnasa eta eragile dugun Koldo Romerorena jo dugu. Lantegian, lanpeturik ikusi dugun arren, patxaran, ezeren presarik gabe, bere barne sentipenak hitz jario mamitsu batez erakusten zizkigularik, erantzun digu Koldok.
-- Bi disko berri hauen emaitzak lanik asko eskatu ahal dizue?
-- Guk geure lana ez dugu diskoak argitaratzearren morrontzan egiten. Guk, abeslariak garenez, abestu egiten dugu, eta abesti mordo bat prestatuak genituelarik diskoak prestatzeari ekin genion. Lana neketsua izan da. Gogorrak izan dira azken sei hilebete hauk Oskarbirentzat, baina argitara azaldu zaigu lan guzti honen fruitua.
-- Zuzenean bi disko berri haundi hauen aipamena egin aurretik, nola definituko zenituzke Oskarbi taldearen karakteristikak?
-- Ez pentsa gero hitz bitan adieraztea erraza zaidanik. Halaz ere, nolabait adiraztearren, euskaldunen euskal kanta lantzen duela esan dezaket. Kanpora begira hainbat lan egin dugu geure taldeari begira. Azkue, Aita Donosti eta lehengo kantak bildu dituen zenbait autoren sailetan gogor ibiliak gara lanean. Gure egarria asetzeko iturburura, jatorrizko euskal abestietara jo dugu. Berauen inguruan talde bikain bat egin dugu.
-- Baina Oskarbik egungo momentu eta uneari erantzuten ahal dio ? Lehengoari begira ez ote ditu egungo arazoak bazterturik uzten?
-- Oskarbi, gure ustez, gaur gaurko abestaldea da eta hortik jokatu nahi du. Baina gure egungo lana ez da behin ere baikaina eta emankorra izango lehenarekin elkartuz gaurkoa lantzen ez baldin badugu. Gaurregun krisia izugarrian bizi gara sail guztietan. Gure Herriarentzat hain garrantzizkoak diren egun hauetan nondik nora jo ez dakigula aurkitzen ote garen beldur naiz. Eta abesti sailetan ere ez dago arinkeriaz jokatzerik. Gu bagara nor, badugu gure aboskera, badugu traAizioa, badugu geure geurea den iturria.
-- Bai, bai. Baina egungo morrientuak eskatzen duenari begira...
-- Gaurko egoerak, gaur har dezakegun astinduak, gure inguruan sor daitekeen enbatak, ongi sustraiturik jokatzea, zainak ongi finkaturik izatea eskatzen digu. Guk ez dugu zirkustantzia bati, edo momentu koiuntural bati bakarrik erantzungo dion abestirik egiten. Bapateko horiek, sarritan, bere eragina gogoan hartuz ere, berehala igarotzen dira, modatik pasatzen. Jakineko une bati ezezik, gure herriaren norabideari erantzunaz jokatu nahi dugu. Abeslarien eta herriaren artean etenik sortu gabe.
-- Besterik aipatuko ahal zeniguke Oskarbi taldeaz?
-- Ekipoan lana egiten dugula. Lana, lan neketsua benetan, elkarturik eta barne giroan egiten dugula, protagonismo osoa talde bezala daramagula. Herritar garenez kantatzen dugula.
-- Zer da disko berrihauetaz esan dezakezuna ?
-- OLENTZERO diskoa gabon kantaz osaturiko disko bat da. Hirurehundik gora dira horretarako aztertu ditugun kantak. Aukera lan bat egin behar izan dugu, eta Gabon jaiei begira, oraindaino egina gogoan hartu nahi izan dugu. Ilusio haundiz landu eta osatu dugun diskoa da. Harrera on bat izango duelakoan gaude. diskoa, berriz, beste estilo batetakoa da. Lehengo kantak eta Gandiaga poetaren lanez borobildua da. Neronek esan dezakedana baino garrantziskoagoa da herriak berak erakus dezakeena. Herriaren hildotik jokatu nahi dugu, Herriak bere esanetara gauzka.
Eta Koldo Romerok berriro geure egoeraren arazoari heltzen dio. Diskoak izan dezakeen harrerak baino une honetan asmatu beharrak, euskaldunok geure aukeratan asmatu beharrak gehiago kezkatzen du. Ez ditu salmenta goseak, kritikaren aipu ohoretsuak, entzulearen eskuzartak, bere onetik ateratzen.
Oskarbitarrak lanean ari dira, amaigabeko, etengabeko lanean. Euskal Herrian sortu eta desegin izan diren abestaldeak gogoan hartuz, hamar urte luzetan diharduen Oskarbik, kantatuz ezezik, iker lanean diharduen Oskarbik, badu meriturik, bere goi mailak hori erakusten digularik.
LUIS BARAIAZARRA
29-30

Gaiez\Kultura\Musika\Musika mode\Taldeak\OSKARBI
Gaiez\Kultura\Musika\Argitalpena\Diskoak
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
EGILEA
Eguneraketa berriak daude