Saioka 2 Eta Saioka 3

1975eko azaroaren 23an

Iker-ek Durangoko Azokako Euskarazko Lehen Sari Nagusia irabazi du
Saioka 2 Eta Saioka 3
Euskerazko Lehen Sari Nagusia Durangoko Azokan
SAIOKA 2 eta 3 IKERen testu berriak ikusi eta Lehen Saria eman diotela jakin bezain laster, talde horretako norbaitekin elkarrizketa bat izatea erabaki dugu. Xabier Zuluaga, Iker taldearen sortzaileetarikoa eta gaurregun zuzendari denaz mintzatzeko aukera izan dugu.
Jakinmin bikoitz batek zuzendu ditu gure galderak: IKER taldearen nortasuna eta helburuak ezagutu nahiak eta SAIOKA 2 eta 3 osatzen duten lau liburuon egitura eta moldaketa sakondu nahiak.
–Iker taldearen izena nahiko ezaguna da euskal kultur munduan. Batzuen eta besteen ahotan dabil. Lan asko omen du eskuartean. Baina inork gutxik daki IKER zer den zehatz. Noiz eta zein helbururekin sortua den, esan nahi ahal diguzu?
–Bai eta pozik gainera. Duela laupabost urtetako euskal kulturgintzaren mundua azterturik idealkeria asko nabari zen, borondate ona ugari agertzen zen baina fruituak eskas eta urri. Gure ustez, IKER eratu genuenen iritziz, derriorrezkoa zen euskal kulturginizaren alorrean benetako profesionalismo bideak urratzea, talde tekniko iraunkorrak sortuz eta luzerako plangintza baten barruan helbutuak finkatzen eta lortzen hastea. Honetxek eta ez bestek bultzatu gintuen IKER heziera zerbitzu eta kultur eragintzarako taldea sortzera.
–Haserak neketsuak izaten omen dira. Baina, horren eginkizun garrantzitsu eta zabal baterako, laguntzarik ere izango zenuten, noski.
–Era honetako erakunde baten sorrerak, bitariko laguntza eskatzen du: teknikari taldeena eta finantzibideena. Bi alderdi hauek errealismo ongi oinarritu batean uztartu behar dira. Amets urdinetan galtzen zirer teknikari "azkarregiekin" ezer gutxi egin zitekeen; guk umilki ekin behar izan genion, gure helburu apalak ontzat ematen zituztenei, lanerako dela eginaz. Ate asko eta asko itxi zitzaigun, berriak ginelako, duda-mudakoak omen ginelako, gure jokabideak garbi ikusten ez omen zirelako
Honetan ere fedea behar! Inor ez baita, arrakastaren marka bekokian duela jaiotzen. Finantzibideei bagagozkie, pertsona biren zenbait urtetako izerdiak eman lezakeena besterik, ez zuen izan IKERek, hasera hartan.
-Eta zertara zuzendu zenituzten zuen urratsak, behar ordu hartan?
-IKER erakundea bi sailetan banatu genuen: Ikerkuntza eta kultur eragintza.
Euskal kulturaren etorkizunerako ikastolak duen garrantzia ukaezina ikusirik eta bertan nabari zen pedagogiazko egoki baten hutsune larriaz jabeturik, testugintzari lotzea erabaki genuen, batipat. Horretarako, teknikari talde bat eratu genuen, euskal pedagogia bat mamitzen eta gure egoerari dagozkion testu orijinalak sortzen saia zedin.
Bestalde, euskal kulturak gauza bikain ugari sortzen zuela, baina, zabalkunde mugatu baten ertuagatik taldetxo baten eskuetatik ez zela irteten ikusirik, merkatu zabalago batzuk bilatzeari ekin genion, harpidetza sistemaz baliatutik. Horri nahitaezko irizten genion, euskal kulturan benetako profesionalak sortzea eragozten duen "gurpil zoroa" puskatzeko.
Sail honetan sortzen zen diru apurrez baliatzen ginen, ikastolarako lanean ari ziren talde teknikoak estu eta larri finantziatu ahal izateko.
–Aipatu duzun euskal kulturaren mugatasun hori hausteko, aski ahal deritzazu harpidetza sistema horri?
–Ez, inola ere ez. Leku askotan da gure burruka zelaia. Harrez gero, geuk ere beste zenbait buruzpideri gorputza eman diogu, sortzen zitzaikigun aukera guztiez baliatuz.
Harpidedunak euskal kulturaren ikuspegi zabal bat izan eta zer hauta jakin dezan, euskal kulturgintzaren katalogo bat argitara dugu lau sailetan zatilua: liburuak, haur eta gaztetxoentzakoak, musika eta gainerakoak (artelan eta abar). Hemendik liburudendekiko harremanetan sartu ginen, euskal sailak zuzenduz eta zerbitzu bereziak eskainiz. Honela laguntzen diegu euskal argitaldari, idazle eta artistei.
Baina besterik ere egin dugu haurren munduari gagozkiolarik: Lankide Aurrezkiak finantziatu duen komikia prestatzea geure gain hartu genuen, Euskal filmagintzaren bideetan ere sartu gara. Euskal geografia eta historia sailak lantzeko beste bi talde tekniko ere martxan jarriak ditugu
–Beraz, diru iturri gertatzen da euskal kultura.
–Bai, baina iturri horrek bi errenta modu izan litzake: bata inoren errentaz baliaturik sakela berotzekoa batzuena bezalakoa, eta bestea talde tekniko iraunkor eta aztertzaileak finantziatuz, kultura sortuz ari denekoa. Honelakoetan dirua joanetorrian ibiltzen da, bide berriak urratuz eta inor aberasten ez badu ere euskal kulturgintzaren ahalbideak aberasten dabil.
–Aurten sari bat jaso duzue Durangoko euskal liburu eta disko azokan. IKER taldearentzat zer esan nahi du Lehen Sari Nagusi horrek?
–Asko esan nahi du. Gure lan luze, isil eta eztabaidatuaren agiriko aitorpen bat izan da. Hasera hartan dudamudaz eta errezeloz begiratzen zigutenei, aurka egin zigutenei, asmo aitorgaitzak lepora zizkigutenei, guk IKER talde honen lan guztia, SAIOKA 2 eta 3, Durangoko Lehen Sari Nagusia eskaintzen diegu ikus, azter eta kritika dezaten eta gai badira hobe eta gaindi dezaten. Hauxe da IKER taldearen erantzuna. Bada ordua txikikerietan denbora galtzeko, indarrak batu eta euskal kultur indartsu bat sortzeko, Euskal Herria ren etorkizuna erakunde sendo eta iraunkor batzuen bitartez oinarri eta finkatzeko.
–Besterik esan nahi ahal zenieke gure irakurleei?
–Zerbait esatekotan hauxe: gure abiada bizkorra da, oso bizkorra, eta sarritan ahalbideak eta ametsak ez dira bat etortzen. Gure zerbitzuak eskatzen dituzten guztiei, eta noizbehinka huts egiten diegunei, uler gaitzatela, eragozpen eta zailtasunak ugari izan baititugu –gerrilleroak egin ziguten hondamendia, esaterako– eta oraindik ere nekez erantzuten diegu eskabide guztiei. Halere, Donostian, Gasteizen eta Iruinean zabaldu ditugu ordezkaritzak eta gauzak gero eta hobeto joango direlakoan gara. Eskerrik asto gure baitan beren uste ona jarririk duten guztiei.
Gazi-gozo eta hotz-bero asko jasatzen du lanean ari denak. Berogarrri eta gozagarri gerta bekio IKERi Durangoko Lehen Sari Nagusia. Esker onaren eta goraipuaren poza ere behar du lanean ari denak.
Ikastoletan hainbeste zabaltzen ari diren SAIOKA 2 eta SAIOKA 3 eskola-liburuek, Durangoko X. Euskal Libaru eta Disko Azokan eman den Gerediaga Saria merezi izan dute
Aurrera, beraz.
ERRIALDE
1

GaiezKulturaEkitaldiakAzokakDurangoko A
GaiezKulturaKultur ErakIKER
EgileezHERRIALDE1Kultura

Irakurrienak

Matomo erabiliz

Pastoral bat Iruñearendako

Amets Aranguren Arrieta

"Nire burua duela 20 urte bezain indartsu ikusten dut"

Euskalerria irratia | Miren Mindegia

"Zenbat dugun kontatzeko!" Euskal Herriko mapa sortu dute

Euskal Irratiak

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Genero kontua da: osasun sistemak guztiz baztertzen eta erasotzen gaitu, ikusezinak gara"

Olaia L. Garaialde

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude