Iñaki Gorostiza

1974ko apirilaren 21an

Iñaki Gorostiza pelotariari elkarrizketa

Iñaki Gorostiza
Bagenuen Inaki Gorostiza agurtzeko gogoa, bagenuen elkarrizketa bat egiteko asmorik Izan ere Iñaki gazteak harri eta zur utzi ditu pelotazaleal: Apal apal, baina bere nortasunaren neurria erakutsiaz azken mailaraino iritsi zaigu Retegi menderatuko ote du Anoeta pelota lekuan?
Hauxe da, hain zuzen, pelota zaleek egiten duten galdera. Orain artekoak irabazi ditu, baina azken joko nagusi hori irabaziko ote du? Izan ere nork neurtu dezake Gorostiza Retegik baino hobeto?
Anoeta pelotalekuan Inaki Gorostizarekin hitzegiteko egokiera izan dugu. Entrenatzera etorria delarik minutu batzuk pozik eskaini dizkigu euskal aldizkari honetan bere kezkak ager ditzagun
- Iñaki, oraindik gogoan dogu Lajosen kontra egin zenuen partidu hura. Inoiz ikusi ahal zenuen arriskuan partidu hura?
- Jokatu dudan partidurik zailenetakoa, gogorrenetakoa izan zen hura. Hamargarren tantora arte nahiko hestu ibili nintzan, baina geroxeago partiduari buelta eman neutson eta handik aurrerako tantuak lasaiago irabazi nebazan. Baina ez pentsa partidu hori erraza izan zenik. Lajosek ez dau azkeneraino etsitzen eta azkeneraino gogor jokatu beste erremediorik ez da izaten.
-Ze pelotaleku dituzu gogozkoenak? non jokatzen duzu gustoen?
-Bada bai alferik frontoi batetik bestetara: Batzuk latzagoak, besteak lagunagoak. Batzutan pelota bizi bizi urteten dau, bestetan, berriz, makal. Nik, neronek aukeratu behar baneu Eibarkoa aipatuko neuke. Frontoi latza da, eta pelotari gogor eman behar yako urrutira bidaliko bada. Eta partiduak luzaro iraun ezkero horrelako frontoitan neure burua seguru arkitzen dot.
Inaki Gorostiza gazte lerden, indartsu, sasoikoa dugu. Hogei urte baino ez ditu eta dagonekoz pelotazalean gose egarriak ondo baino hobeto asetzan ditu. Pelotaritzaren gailurrera iritsi zorian. Bera apal ikusten dugu. frontoian jasotako txaloek ez dute harropuztu.
-Gaurko maila honetara iristeko, inoren babes eta laguntza bereairik izan ahal duzu?
-Pelota jokoa beste zenbait kirol motarekin konparatzen badugu, desberdina dela konturatzen gara. Futbolean azkar eta bizkor datozenak goi mailako taldeek fitxatzen dabez gaztetxoetan osa eta indar daitezen. Guk ez dugu horrelakorik ezagutu. Bakoitzak ahal daben neurrian, baina bakarrik, jokatu behar dau. Badira txapelketak eta ondo jokatu ezkero, ibilian-ibilian zerbait izatera iristen dabe. Lagun onak eta zintzoak arkitu dodaz, baina ez gauza ondo antolaturik dagoelako.
-Ea Iñaki, kritikak ondo hartu ahal zaitu? Kritikalariak partidutara azaltzen ahal dira?
-Pelotan hasi naizenetik ondo hartu nabe, ez dot ezeren kexarik. Partiduak ikusten dabesan ala ez beraiet itandu. Denetik izango dela
-Nola ikusten duzu Bizkai aldeko pelotaritzaren etorkizuna?
-Bizkaian, gauzak aldatzen ez badira, ez dau pelotari on askerik irtengo. Ez dago giro gehiegirik eta landu beharrezko lurraldea da fruturik ematekotan. Oraingoz Nafarroan ikusten dot pelotaritzaren geroa, etorkizuna.
-Gatozan beste gai batekin partidu nagusi honetara. Lasai ahal zaude Retegiren kontrako partidua gogoan izanik?
-Ni neurez nerbiosoa naz piskat baina neure burua gertatzen dot eta irabaziko dudan itxaropenik ez dot galtzen.
-Nola entrenatzen zara? Sendagile edo medikuaren esanik gogoan hartzen ahal duzu?
-Nere gisa entrenatzen naz. Hamabostero jokatzen dot azken aldi honetan. Hiru bat entrenamentu baino ez dodaz egiten, eta hoiek arinak. Izerdi piskat atera, sakeekin prueba batzuk egin, eta abar Entrenamenturik ez badot, orduan zortzi bat kilometroko ibilaldia egiten dot egunero.
-Lajos edo Retegi, zein aukeratuko zenduke kontra jokatzeko?
-Biak pelotari onak dira. Retegik ritmo haundiko pelotaria da, bizi bizi jokatu dabena. Ez dau pelotak tanto egin barik luzaroan iraungo. Bolea, bi paretak, dejada edo errebotea, tantoa lortu bitarteko onik ez dau izaten. Lajes patxada haundiagoko pelotaria da eta alderdi horretatik nahiago dot Lajos Retegi baino.
-Retegiren aurrean bildurti samar beraz?
-Ez dautsot nik ezeren bildurrik, errespetoa sartzen daben pelotaria bada ere. Partidu gogorra izango da. Besteak hogei eta bi tanto egiten ez dabezan bitartean ez dot partidua galdutzat jotzen. Eta beste horrenbeste gertatzen yako Retegiri.
-Retegiren bolea, horregatik, gogoan hartzekoa izango duzu?
-Retegi pelotaria ezagutzen dot. Pelota nekez galtzen daben pelotaria da, boleaz ondo baliatzen dena. Laugarren koadrotik aurrera bolean pelotarik hartzen badau politi ibili horrekin, jo eta desegin
-Zure ezkerra ere ahulagoa ote den entzun izan dautsot inori.
-Retegiren ezkerra, jakina, neurea baino hobea izango da. Baina ni ere ezkerrez defenditzen naz. Behin baino gehiagotan pelota eman beste erremediorik ez dot izango. Manomanistetan, bakarka jokatzen dogunean, askoz nabariagoa da hau, pelotaleku guztia norberak bete behar dabelako. Baina neure kontrarioari beste horrenbeste gertatuko yako, noski.
-Inaki. Retegiren partidu honetarako taktika bereziren bat prestatu ahal duzu?
-Galdera honek ez du erantzunik izan. Irrifarrez isilik gelditu zaigu Inaki Gorostiza. Guk entrenatzen ikusi dugu. Pelota indarrean erabiltzen du, berak jotako pelotak ez du frontisen gaina bilatzen. Erdi parean pelotak jotzen duelarik gero indarrean irtetzen du pelotak. Bihurria benetan erantzun behar duenarentzat. Partidu honetan, bestalde, garrantzi haundia izango du sakeak, ateratzen eta bueltatzen jakiteak. Retegiren nortasuna ezagutzen dogu, Gorostiza berriz ez du nehork behar bezala neurtu. Partidua luzatzen bada Iñaki gaztearen sasoiak lanak emango dizkio Retegiri.
-Azkenik, Inaki, galdera bat egingo dizut gure irakurleentzat erantzun dezaiguzun. Aurten txapela noruntz eramango ote duzue Bizkaira ala Naparrora?
-Partidua jokatu ondoren hobeto erantzungo dautzut. Jokoak erakutsiko dau. Nere aldetik al dudana egingo dot. Gogoz eta ilusinoz prestatzen saiatu naz. Hortik aurrera geroak esango dau.
-Eta txapela?
-Ea ba Bizkaira eroaten dogun. Bizkaira, eta hobeto esanda, Axpera, Atxondora, Anbetope hartara eroan nahi neuke. Esperantzarik ez dot galtzen.
Esperantza eta itxaropena beharrezkoak dira jokoa irabazteko. Hortik aurrera hobekien jokatzen duenak irabaz dezala.
ERRIALDE
1

GaiezKirolaPilotaPilotariak
PertsonaiazGOROSTIZA1
EgileezHERRIALDE1Kirola

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

"Zenbat dugun kontatzeko!" Euskal Herriko mapa sortu dute

Euskal Irratiak

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude