Bittor Egurrolarekinelkarrizkelan


1972ko irailaren 03an
Bittor Egurrolarekin elkarrizketan.
Bittor Egurrolarekinelkarrizkelan
Errenteriako jaiak zirela eta elkar ezagutzeko zoria izan genuen. Igaz, Saio egunez, oso txalotua izan zen, Bittor Egurrola eguerdiko jaialdian. Jendeak gogo onez eta arreta handiz entzun zituen gure bizkaitar abeslarien abesti saioak, baita sutsu txalotu ere. Geroztik txori abeslaria isildu zalgu. Orain Inglaterrara joan aurretik, berakin egoteko zoria izan dugu.
–«Gehiago ez abestutzea erabaki dut» –esaten digu bat-batean Bitor Egurrolak.
Dakidanez, abesti zereginari 1968 garrenean ekin zion. Geroztik hamaika saio eskaini digu Euskalerriko herrietan zehar. Hiru urte luzetan abesten jardun eta gero, orain bere erabakiaren berri jaso dut.
–Zer dela eta, Bittor?
–Zaila da hitz bitan nere arrazoibideak adieraztea. Sarritan, giroak abesti batzuk eskatzen dituela dirudi, nere pentsakerarekin ados ez dauden abestiak, sasi maitasun abestiak, t.a. Baina bada beste alderdirik ere. Kitarra, abestia, musika landu egin behar da, ordu luzeak eskaini, eten gabeko saiotan jardun. Euskal abesti arloan gogoa, almena, lana eta denbora eskainiko dion jendea behar da hots, amateurismotik irten beharrean gaude. Nik ez dut horrelako aukerabiderik...
Hogeitik gora dira berak sortutako abestiak, batzuren batzuk gogo onez entzun ahal izan ditugu diskoan grabatuak. Gazteriak Bittorren kantak bereganatu ditu. Orain ordea, eta oraingoz, nik uste, isildu zaigu.
–Zein izan dira, Bittor, zure abesti gustagarri eta txalotuenak?
–Zazpi dira diskoan grabatu ditudan abestiak. Hauetatik ezagunenak: "Nire eskaria", "Gernikako Arbola", "Unibersalak" eta "Andereño".
–Elkarrizketari jarraipena ematearren, zer da euskal abestiati falta zaiona, eta zar ugariegi nabarmentzen zaiguna?
–Nere iritziz, dio Egurrolak, eta lehen bigarren galderari erantzungo diot. "folklorismo" usaia nabari zaio gaurko protesta abestiari. Bestalde,"gorakada" gehitxo ikusten dut euskal abestietan: gora gure ohiturak, nire osabaren... amaren... Sasi protesta asko sobran dagoela esango nuke.
–Zer da, zure iritziz, protesta abestiak bete behar dituen baldintzak ?
–Abesti gehienak protesta kutsukoak dira, baina kanpoekiko protesta abestiak. Guk AUTOKRITIKA ABESTIAK BEHAR DITUGU. Teoriaz hau oso polita da, baina "anti-ko ertzialak" izan ohi dira, gehiegi "molestatzen" dutelako.
–Hemen datza, beharbada, kakoa, askatu beharrezko korapiloa Baina, lehengoari jarraiki zar da falta zaiguna ?
–Euskal abeslari profesionalak behar ditugu, dedikaziño osoa eskainiko dien abeslariak. Bestalde, batasun estuago eskatuko nuke euskal abeslarien artean, bakoitzak, berekasa, ahal duena eginaz dabil Euskal abesti alorrean, emigrazioarekiko dugun prolematika ere aipatu behar litzakela derizkiot.
Bai, neronek ere, une honetan, UNIBERSALAK abestitik honoko hitz hauk dakuzkat gogoan:
«Badakite unibersalak izan behar gerala
baina euskalduntasona ta euskera oinharria.
Europa guztiz berria, beneteko alkartea,
herrietan finkatuta, ez jauntxo ekonomian...
–Zuk, Bittor, zeure aldetik hezar-memidun abestiak erabiltzen ahalegindua zaitugu. Zelan ikusten duzu gaurregun euskal abestiaren eta abeslarien egoera?
–Galdera honi zertxobait lehenago erantzun diodala esango nuke. Baina, bada gaurregun nire iritziz bide onetik dabilen abeslaririk ere.
–Zuretzat gogozkoenak?
–Euskal zeru ilunean, distira gehien egiten duten izarrak hauek dituzu: Mikel Laboa artistarik hoberena, talde mailan Oskarbi, eta interpretazio sailean Estitxu, hau dugu, nere iritziz, interpreterik hoberena.
–Azkenik, eta amaitzeko, zure abastirik gogozkoena?
–UMEZURTZA deritzan abestia da. Hemen abestiaren estrofa bat:
Umezurtza naz nere lor maite barruan
kanpokoa sentitzen naz nere etxean
hau dok itzela ta negargarriena Unezurtzak garala ez ohartzea.
Hauxe dugu Bittor Egurrola. Euskal abeslaria isildu zaigu, baina jarraituko du. jarraitu, euskal alorrean gartsuki lanean. Inglaterratik itzuli eta gero, irakaskintza lanetan murgilduko zaigu eta UNIBERSALAK eta UMEZURTZAK gerala erakutsiko.
Mikel Ugalde.
7

GaiezKulturaMusikaMusika modePertsonakAbeslariakEGURROLA1
PertsonaiazEGURROLA1
EgileezUGALDE1Kultura

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude