Galdakanoko Txomin Egileor musika egileari elkarrizketa.
Zartaro Bikaña
Gizon bat degu Galdakano'n, erriko bizitanle guztietatik urterik geyen daukona, baña, kemenez ta batez bere adimenez, iñoz zar egiten eztana. Zartzaro bikaña benetan oilakua!
Jaun ori, gure argazkian ikusiten dogun, Egileor'tar Txomin da. Beren larrogeitamalau urtegaz edozein sasoiko gizon bat-lez azaldu, idatzi ta batez bere irakurten dau, eta etxebarruan zuzen ta lerden ibiltzen da. Gatxa da siñesten, ikusi eztabenak, adiskide onen izakera.
Egileor'tar Txomin guztiz da ezaume galdakanotar eta ereslarien artean, baña jakiña, ez "Zetuko Argia"ren irakurleen artian. Oi-gaitik ekarri nai dogu astekari auetara, beragaz, Txomin'ekin euki dogun izketaldia beren bitartez ezagutu daien gure gizon ospetsu au:
–Txomin, esango daustazu zenbat urtean izan ziñan Galdakano'ko musika bandako, gure eresbatza ederra ta ospatsuaren zuzendari?
–Bai, pozik, berrogei ta amar urtean.
–Badakit zure zuzendaritza aldian, eresbatzak sariketa askotan garaille urten ebana eta beraz, ospe edo fama aundia lortu ebana. Esango deuskuzu zenbat eta nun izan ziran garaitza oyek?
–O! ,ori gaitz da gogoratzen, asko ziran aldi aietan lortu genduzan sariak eta askotzaz geiago aurkeztu gintzaran erriak, baña, geien gogoratutzen naizenak, Bergara, Bilbao, Iruña, Donosti ta abar. Garraitzarik aundienatarikua izan Donsti'n lortu ebana gure eresbatzak.
–Noz izan zan Txomin? Beren alaba Terese'k erakusten dausku auen etxean eskegita dingilizka dagon "diploma" sariketa aietan irabazitakua, eta bertan irakurten dot: "Gran concurso Internacional de Bandas de Música, Orfeones, Corales y Charangas. Celebrado 21 al 25 de Julio de 1907. San Sebastián".
–Enaioazu asko geiago nekatzen. Itaun bat edo bi: badakit eresgille-be izan zarena, zenbat erestitza edo partitura idatzi dozuz?
–Eresgillea (compositor) ez naz izan esaterako, baña ainbat dira neure bizian egin dodazanak.
–Zetarikua izan da zuk erabilli dozun musika?
–Euskal musika, arin-arinka edo jota, biribilketa, ibilketa ta abar.
–Azkenengo eres-egintza edo idatzi dozuna?
–Orain sei edo zazpi illabete amaitu neban "Ibilketa" izenaz; izen orrek esan nai dau zer dan. Erriko azkenengo jaietan erestu eben lenengoz, gure eresbatzak. Pizka bat lenago, urte bi inguru, "Gurruti ibai" eta "Ibaizabal" eta abar, biribilketa ta arinarin.
–Dakigunez, zure bizibidea "Dina-mita" landolan euki zenduban, zeure langitza edo empleo bidez, baña, orita guztibe eresi asko egin edo idatzi dozu. Jakin litzake zenbat ordaindu dautsuben erestitza edo partitura oiek gaitik?
–Ordaindu?...–Barre egiten dausku beronek–gitxi edo ezerbez, nik igin dodan musika, zaletasuna gaitik izan da, batez bere euskal musika.
–Tira ba Txornin, gaur enoia geiago nekatutzen; laster arte. Galdakonatar jator eta eresizale guztiok ordainduko deutsugu gure eskerrik xamurrenaz, euskatzale zintzo orrek egin dozun lan bikaña.
"Basajaun"
4
GaiezKulturaMusikaMusika tradBandak
PertsonaiazEGILEOR1
EgileezBASAJAUN1Kultura