Rudolf Botha hizkuntzalari hegoafrikarrak hipotesi bat bota berri du Homo erectus-i buruz: espezieak ahozko komunikazio moduren bat garatu zuen duela milioi bat urte baino gehiago. Homo sapiens-a da, dakigunez, hitz egiteko gai den espezie bakarra eta, beraz, hortik ondorioztatzen da hizkuntzak ez dituela 100.000 urte baino gehiago. 

Bothak badaki bere hipotesia egiaztatuko duen froga fisikorik ez duela aurkituko, baina logikan oinarritu du bere iritzia: Homo erectus-ak irla bakartuetara iristeko gai izan ziren –eta horren frogak badaude–, nabigatzeko gai zirelako, eta nabigazioak taldeko antolaketa eta komunikazioa eskatzen du, baita ezagutza belaunaldiz belaunaldi ahoz transmititzeko gaitasuna ere.