Dolua eta kalitatezko osasun-sistema publikoa

Duela hilabete batzuk, ahizpak bost hilabeteko haurdunaldia eten behar izan zuen umekiak buruan zekarren deformazio baten ondorioz. Malko artean hartu zuen erabakia, eta berria eman eta bost egunera umea (Xoán) erditzen zegoen Gurutzetako ospitalean (garapen-maila horietako umekiak erdituz abortatzen dira).

Abortuak iraun zituen ordu horietan guztietan, tratu ikaragarri ona izan genuen emaginaren eta ginekologoaren partetik. Ezin berdina esan, ordea, Gurutzetako zerbitzuaz; ama berrien atalera zuzenean eraman ordez, laugarren solairuko oherik gabeko gela batean sartu zuten ahizpa, eta orduetara, behin epidurala eskatuta, jaitsi; ahizpa zeliakoa izanik, ezin izan zioten ospitaleko elikagairik eman, denak, jogurt batek salbu, glutena zeukalako; eta duela gutxira arte borrokan ibili gara Xoánen gorpua aurkitzeko. Hasieran, organo kontsideratu eta bota zutela komunikatu zioten ahizpari, nahiz eta 2016tik gurasoek eskubidea duten, edozein dela umekiaren garapen-maila, gorpua hartu eta agur esateko. Duela gutxi jakinarazi diote gorputza agertu egin dela.

Dolua egitea eskubidea da, eta horren bermea kalitatezko osasun-sistema publikoari lotuta dago.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-05-23 | Elise Dilet | Enbata
Energia herritarrak

Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]


2024-05-22 | Inma Errea Cleix
Zaintzaren erdigunean

Bati fardela aldatzea. Beste bati gorputza garbitu eta ximentzea. Jana atondu eta norbaiti jaten ematea. Norbaiten gorputza oheratu edo ohetik altxatzea. Goitikan ari dela inori eutsi eta hura garbitzea. Horiek guztiak dira zaintzeko lanak. Zerrenda askoz luzeagoa da, nahiz... [+]


2024-05-22 | Edu Zelaieta Anta
Kontzertu estelarrean (fikzio espekulatibo bat)

Aurtengo jazzaldiaren kontzertu estelarrean zaude, zuk gehien maite duzun pertsona (multzo) batekin. Pradales dagoeneko lehendakaria da eta, beraz, Osakidetzaren arazo larria onbideratzen ari dira. Espiritu autonomikoa nagusi da jendearen aldartean; hori dela medio, berdin egon... [+]


Eguneraketa berriak daude