Erreputazioa
Era bitxi batean sinatzen du erreputazioak. Ez dago jakiterik, bere berri emateko, ezker edo eskuin eskua darabilen. Ez eta tinta bereziren batez baliatzen ote den ere, euskaldun gehienok hauteskunde kanpainan gauden honetan, arrasto nabarmenago bat uzteko errubrikan.
Hurbil-hurbileko jendakiak ditu Euskaltzaindiaren Hiztegian, baina erreputazio hitza ez duzu bertan aurkitu; bai, ordea, Orotarikoan nahiz Egungo Euskararen Hiztegian. Horrat akaso, ezin iradokitzaileago, solasaren definizio funtzionala: batean balekoa daitekeenak kale egiten ahal du bestean.
Antzeko erantzuna eman zion Stefan Pongo kamioilariak Txekiako telebista bateko aurkezle bati. Ingelesezko azpitituluak irakurri dituzu zuk Pongo Calling dokumentalaren pasarte horretan: a reputation is a strange thing. Txekiar eta britainiar herritartasuna zuen garraiolari ijitoak kontesta ederra eman zuen. Galderaren gaia, Txekiako Gobernuan hamar urtez egondako presidenteak emana zuen aurretik adierazpen publiko batzuetan: herrialdeko ijitoen ospe txarra.
Era bitxi batean mugitzen da erreputazioa. Kanpaina egiten beti. Harat-honatean. Ezker-eskuin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]
Garai batean nire ustez naftalinaz gainezka zeuden esaldiak erabiltzen hasia naizela antzeman dut. Zahartzen ari naizen seinale ote? “Osasuna badugu behintzat-eta, gustura egoteko moduan gaude!” edo “gure garaian jan ez, baina barre...”. Eta tristuraz... [+]
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]