Argazkiko beltztxoa
Leku zalantzagarri, eztabaidagarri, horietan ibiltzea egokitu zaizu, tokatu zaizu isil-isilik egotea, oin puntetan egotea "zerbait" irabazteko, aukeratxoak aprobetxatu behar dituzu, bestela ez baitago etorkizunik. Sinesten duzu ari zarela, eta astiro-astiro hasi betetzen laukiak, galdetegiak, itxaropenak, dena ez dago galduta, segi, segi eta ez duzu amorerik ematen, ez duzu askatzen zure bizitzan asmorik, kontrakoa, gogor heltzen diezu amildegian ez erortzeko, ez zaudelako etxean, inork ez zaituelako eutsiko lurraren kontra sekulako zartakoa hartzen baduzu. Horrela jarraitzen duzu, ez duzu beste biderik. Aurrera, aurrera esaten diozu zeure buruari, lortuko duzu, dena ongi aterako da, zure ibilbidea egiten ari zara, "sortuz eta sortuz gure aukera, atsedenik hartu gabe". Den-dena egiten duzu, dena ematen duzu, "Waiting for the miracle", hala ere ez. Ia-ia, baina ez. Ez zara ailegatzen, "hurrengorako, eskerrik asko, zurea bai meritua!" esaten dizute, baina… ez. Bitartean, zeure baitan pentsatzen duzu "kaka zaharra!". Zerbait gaizki egin dut, nire jarrera izango da, beno, lasai, ez da zuretzat, zurea ailegatuko da, fidatu.
Herri guztietan gertatzen da, botere ekonomikoa, politikoa eta kulturala oso zentralizatuta daude, nahiz eta euskalduna zaren, ez zara ailegatzen lehen mailako euskaldun izatera
Orduan errealiteak masailekotxoa ematen dizu, duela urte batzuk sumatzen zenituen gauzak pilatu zaizkizu burura, errurik gabe; argi ikusten duzu, euskal kulturan ere bada hegemoniarik eta hori zama egiten zaizu. Baina ez da berria, badakizu, ze inozoa izan zaren! Zerk eramaten zaitu hori pensatzera, alegia, hemen beste errealitate bat posible izango litzatekeela uste izatera? Herri guztietan gertatzen da, botere ekonomikoa, politikoa eta kulturala oso zentralizatuta daude, nahiz eta euskalduna zaren, ez zara ailegatzen lehen mailako euskaldun izatera, ezta pentsatu ere. Ea bigarren mailako euskalduna… bai zera! Hirugarren mailako euskalduna naiz ni? Eta orduan, eskolan bezala sentitzen zara, irakasleak "justu-justu gainditu duzu, baina hurrengorako…" esaten zizunean bezala. Eta zu periferian zaude zutik, izerditan borrokatzen, eta hala ere irribarre gozoa egiten duzu, deus gertatuko ez balitz bezala.
Zure intimitatean, lur jota, egoerak errepasatzen dituzu, eta bat-batean sortzen zaizkizu buruan galderak, hutsik zaude, ezin duzu gehiago, zeure buruari galdetzen diozu zer zentzu duen zure bizitzak ez baduzu sortzen, ez badituzu zure kreatibitatea eta gaitasunak garatzen, ez bazara izaten. Eta meditatzen duzu egunez eta gauez, arnasa hartzen duzu, otoitz egiten duzu, denetarik egiten duzu, baina ez da nahikoa. Egiten dituzun ahaleginak ez dira nahikoak, ez zara nahikoa engranaje honetan, ez zara emankorra sistemarako.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
2018ko uztailean, CAF Beasaingo enpresa batzordeak lehen aldiz eskatu zion ofizialki CAFeko zuzendaritzari Jerusalemgo tranbiaren esleipen konkurtsoan ez parte hartzeko. Momentu horretan egoerak gaurkoarekin zerikusirik ez bazuen ere, ohiko trenbide batetik harago, proiektu hori... [+]
Mundua Israel Gazan egiten ari den genozidioaren hondamendira begira dagoen bitartean, kolonoen mugimenduak eta Israelgo armadak triskantzak egin dituzte Zisjordanian eta Ekialdeko Jerusalemen. Ondorioz, palestinar gisa han bizitzea eguneroko borroka bihurtu da, biziraupenekoa:... [+]
Dena aldatu da urriaren 7an Al-Aqsa Uholde Operazioa hasi zenetik. Palestinarrok utzi diogu biktima perfektuen eta terroristen arteko nahasketa izateari, batzuek konturatu nahi ez dutela dirudien arren. Irudi lazgarrien gaindosiak, azkenik, masa handien enpatia erreala eragin du... [+]
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
