Artisau erupzioa
aurre egingo dieten hedabide independenteak
Eztanda egin zuen La Palmako sumendiak eta orduz geroztik ez du su etenik izan. Irlako erupzioa baino lehenago leherrarazi zen Gasteizko Sumendi espazio autogestionatua eta harekin batera Judimendi auzoko berpizkunde kulturala. Lau urte pasa dira jada haren jaiotzatik, bien bitartean tailerrak, Scape Room-a, kontzertuak, bazkariak, txokolatadak eta era askotako ekintzak eraman dituzte aurrera, eta egunotan Artiston azoka antolatu dute.
Artiston azoka
Noiz: abenduaren 18 eta 19an eta urtarrilaren 2an
Non: Gasteizko Sumendi
Gabonetako kontsumo basatiaren aurrean beste kontsumo eredu kontziente eta gertuagoko bati egin nahi izan diote tokia. Benito Ginea kaleko lokalak abenduaren 18 eta 19an eta urtarrilaren 2an askotariko sortzaileak bilduko ditu, eskaintza zabal eta berezi batekin.
Azokaren xedea kontsumo eredu nagusiaren alternatiba bat eskaintzea da, beti ere, arte mota askori tokia eginez. Hori dela eta, aurtengo azokan era guztietako postuak izan dituzte eta izango dituzte.
Bertaratutakoek modan dauden Tote Bag-ak eskuratzeko beta izan dute, harekin batera produktu naturalekin egindako xaboiak, olioak eta kremak ere aurkitu dituzte. Ezin ziren falta mila koloretako makrame korapiloekin egindako lepokoak eta pultserak, ezta zeramikazko belarritakoak ere.
.jpg)
Gasteizko eta Euskal Herriko edozein puntatik gerturatutako artisauak elkartu dira Sumendin, eta haietako bat da Lu. Estampatuak ezizena duen sortzailea. Haren postua Tote Bag-ez gain ilustrazioz jositako koadernoz, egutegiz eta postalez osatua zegoen. Ania Saenz de Buruagak ere bazuen bere tokitxoa, ilustratzailea eta marketingean aditua da, emakumea ardatz nagusi duten koadro eta posterren egilea. Haren ondoan, Saul Vara artista, zuri beltzezko argazkien bidez eta egunerokotasuneko oinarrizko elementuei argazkiak eginez sormena lantzen duen artista. Argazkiak erabiliz hainbat material ekoizten ditu, imanak edo koadroak, esaterako.
Abenduko azokarekin batera urtarrileko azokari emango diote ongi etorria Judimendiko auzokideek urte berriari. Sumendi auzora zabalduko da berriro ere V. edizioarekin, auzotarrek auzotarrentzako sorturiko espazioak labaz gainezka jarrai dezan.
1920ko hamarkadan, Brasilgo hainbat artista, idazle eta pentsalarik bere herriarentzako nortasun propioa eta modernoa sortzeko proiektu kultural berritzaileari ekin zioten. Horrela, Oswald de Andrade poetak Brasilgo modernitate kulturala izango zenaren gidaliburu gisa Manifestu... [+]
Pasa den astean, itzalaldian, gure burua zaurgarri ikusita, pertsona asko hasi ginen ikertzen, gertatutakoa ulertzeko asmoz: zelan funtzionatzen du elektrizitatea garraiatzen duen azpiegiturak? Zergatik geratu da zaharkitua? Elektrizitatearen fenomeno fisikoak liluratzen nau,... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Eskultura grekoerromatarrek bere garaian zuten itxurak ez du zerikusirik gaurkoarekin. Erabilitako materiala ez zuten bistan uzten. Orain badakigu kolore biziz margotzen zituztela eta jantziak eta apaingarriak ere eransten zizkietela. Bada, Cecilie Brøns Harvard... [+]
Erakunde publikoen bekak eta sariak. Kritika eraikitzaile bat izeneko dokumentua plazaratu du Lanartea elkarteak. Berria-k zabaldu du laburpena, eta txostena eskuraturik, hemen duzue elkarteak erakunde publikoei egiten dien gomendio sorta.
Behin batean, gazterik, gidoi nagusia betetzea egokitu zitzaion. Elbira Zipitriaren ikasle izanak, ikastolen mugimendu berriarekin bat egin zuen. Irakasle izan zen artisau baino lehen. Gero, eskulturgile. Egun, musika jotzen du, bere gogoz eta bere buruarentzat. Eta beti, eta 35... [+]
Azaroaren 4an itzuli die Frantziak benindarrei Katakle errege-aulkia, duela 132 urteko triskantzan frantses kolonoek lapurtu zietena. Memoriaren, aitortzaren eta ondare kulturalaren izenean, Europan zehar dituzten lapurtutako 500.000 objektuak berreskuratu nahi dituzte Afrikako... [+]
Wikimedia Commons-en biltzen dira Wikipedian erabiltzen diren lizentzia libreko fitxategiak: irudiak, argazkiak, audioak, bideoak… Une honetan 110 milioi fitxategiko bilduma erraldoia osatzen dute. 2006an hasi ziren urteko argazki onenak aukeratzen. 2023koak hautatu berri... [+]
Uda osoan ikusgai egon dira Yun Ping artistaren argazkiak Donostiako Cibrian galerian. Identitate-prozesuak dituzte langai, generoaren eta arrazializazioaren bidegurutzean. Irailaren 12an, erakusketaren aktibazio eta itxiera gisa, Yun Pingek performance publiko bat egin zuen,... [+]
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
