ARGIA.eus

2021eko azaroaren 30a

Mondraueko musikaren arkeologia

Iker Barandiaran @IkerBarandiara
2021eko azaroaren 21a
1980tik 1989ra bitartean Arrasaten zuzenekoak egin zituzten bertako rock taldeetako batzuen irudiak.
1980tik 1989ra bitartean Arrasaten zuzenekoak egin zituzten bertako rock taldeetako batzuen irudiak.

Arrasaten jardunaldi oso bereziak antolatu dituzte azarorako. Herrian jaio berri den Ez Donk Amaitu izeneko ekimenak, punkaren iragana, oraina eta etorkizuna balioan jarri nahi duenak, Arrasateko 80ko hamarkada nolakoa zen erakusteko, gogoratzeko eta ikasteko hainbat ekintza antolatu ditu. Horien artean nabarmentzekoak dira 80ko urtiek Mondrauen erakusketa –Kulturate aretoan azaroaren 27ra arte–, rockaz antolatu dituzten hiru mahai-inguruak –rocka eta feminismoak, rocka eta euskara, eta rocka 80ko hamarkadan–, eta udal antzokian eskainiko dituzten lau dokumental.

Ez Donk Amaitu ekimenaren bultzatzaileak tematu dira 1980tik 1989ra bitartean Arrasaten zuzenekoak egin zituzten bertako rock taldeak azaleratzen. Agertokira gutxienez behin igo ziren ia 30 talde zenbatu dituzte, baina haietako batzuetatik oroitzapena besterik ez da gelditu. Aldiz, 21 talderen kantu bana berreskuratu –hala moduz grabatuak asko– eta bandcamp batean batu dituzte, sarean.

Ezin da ukatu horietatik gehienek punka egiten zutela eta gaztelaniaz, baina badira eremu horretatik kanpo daudenak ere: rock indartsua euskaraz lantzen zuten Los Pichones (RIPeko Bolinaga anaiak tartean) eta SS-77; pop-rocka ikur zuten Subito Rubor eta Stress; Matrona Impudica after-punk erregina; euskarazko hardcore-punkaren aitzindari Eskoria-Tza; Oi!aren bidea zabaldu zuten Puñetazo, Zakarrak eta Vioch-R; DDDP (Discipulos de Don Pablo) heavy-rocka egiten; rock kaletarra aldarrikatzen zuen Malaña; ska-rocka dantzatzen zuen Diputación Coral –Bolinaga anaiak hemen ere tartean–. Eta punkean murgilduta zeudenen artean, honako hauek: lehenik eta behin RIP taldearen aurrekari izan zen Doble Cero eta RIP bera, jakina. Eta horien ostean, emaitza oparoko Naska; bi kontzertu soilik eman zituen Extorsion supiztailea; Pabellon Negro oinordekoa; Cirrosis trauskila eta gordina; melodiak ere lantzen jakin zuen Heriotza; eta auzuneetako ahotsa ziren NSD (Napoleón Se Descojona) eta Ultimo Recurso.

SS77 da garai haietako taldeetako bat.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Diskoak

Diskoak kanaletik interesatuko zaizu...
2021-11-28 | Xalba Ramirez
Urrutiko palmondoan hamalau, gerturatu eta hogeita hamabost

Euskal folklorea reggaera emana. Ideia sinple batean laburtzen da Reggaean jarrai lan kolektibo eta korala. Euskararen tradizioa ulertzeko era ireki eta bizia, fosiletik ezer ere ez duena.

Herri kantu tradizionalak, XIX. mendeko egileen sortak –Xenpelar,... [+]


2021-11-14 | Xalba Ramirez
Estralurtarrak: inoiz izan ez den talde bat?
Another Frontline Compilation 94/00 | Estralurtarrak | Hegoa diskak.

Whatsapp bidez heldu zait. Kobaneko Josebak entzun berri du Paralelo3-n, 1990eko hamarkadako Iruñeko elektronika talde baten kantu bilduma kaleratu duela Hegoa Diskak diskoetxeak. Diskoetxea... [+]


2021-10-31 | Xalba Ramirez
Laranjondoari eta etxeko beste zuhaitz guztiei
Krak | Maite Larburu | Zart.

Manex eta Ximun Fuchs eta Maite Larburu. Hirukote bat oholtza gainean, Amua antzezlanean, maitasunaren gogoetan: “Bi laranja erdi eta hiru bihotz”.

Antzerki obra baterako egindako soinu banda? Edo disko bat antzezlan bihurtuta?... [+]


2021-10-24 | Iker Barandiaran
Garapen natural eta heldua
Cavaré | Northagirres | Folc Records.

Urretxu edo Zumarraga entzuten dudan bakoitzean hango The Hot Dogs! taldeaz oroitzen naiz ezinbestean. Hango ia erreferente bakarra dut eta ez edonolakoa gainera.

Pandemia betean ikusi nuen Northagirres taldea zuzenean... [+]


2021-10-10 | Iker Barandiaran
Gogoz berpiztu
Phoenix | The Clayton | Autoekoizpena.

Aramaio Arabako herri euskaldunena da, hurbiltasunagatik Arrasaterekin lotura handia daukana. Hala, aramaioarrek gertutik bizi izan dute alboko herriak (izan) duen musika bizitza handia. Dena den, gutxi dira han sortutako taldeak eta... [+]


Irakurrienak
ASTEKARIA
2021eko azaroaren 21a
Azken albisteak
Argia buletina
Egunaren laburpena
zure e-postan
Eguneraketa berriak daude