ARGIA.eus

2021eko apirilaren 23a

Kultura > Musika > Diskoak

2021-04-18 | Iker Barandiaran
Basket Beats Borders | Askoren artean | Autoekoizpena.

Basket Beats Borders ekimena ulertzeko Libanon dagoen The Shatila errefuxiatuen kanpalekuan kokatu behar gara. Han bizi dira Israelgo Estatuaren indarkeriatik eta krudelkeriatik ihes egindako 25.000 palestinar eta horien artean da saskibaloi taldea osatu zuten 16 eta 20 urte arteko neska taldea. Italian eta Euskal Herrian sortutako elkartasun sare bati esker, 2017an Libanotik kanpo bidaiatu, Europako bi herrialde horietako beste... [+]

Diskoak kanaleko multimediak

Eduki hauek interesatzen zaizkizu? Kanal honen RSS jariora harpidetu zaitezke.

Diskoak
Sakonean
2021-02-07 | Iker Barandiaran
Tempo garratz eta kiribilduak

Izaten dira tarteka halako sorpresa atseginak eszenan. Horixe bera gertatu zait izen sobera arrunta eta ustez arrastorik uzten ez duena daukan talde honekin. Buelta erdia ematen dio bila ari garenok aspaldian aurkitzen ez dugunari. Eta hara non, proiektu berri honen errudun aspaldiko zakur zaharrak: Norman taldearen sortzaile Kepa ondarrutarra eta Alex eibartarra, makina bat taldetan ibilitako Ruben ondarrutarra lagun.

Ezagutu ez zenutenontzat Norman izan zen Eibarko Legarreko lokaletan... [+]


2021-01-31 | Xalba Ramirez
2020an (agian) entzun ez dituzun lau disko

Gustatzen zait joandako urteari begiratua ematea, aukera ematen baitit ezagutzen ez nituen harribitxiak ezagutzeko. Arrazoi batengatik edo bestearengatik urteko zerrenda gutxitan (edo bakarrean ere ez) atera diren lau disko proposamen egingo dizkizuet.

H30 (Gaztelupeko Hotsak, jazza). Proiektuan Hasier Oleaga bateria-jotzailea, Sorkunde Idigoras piano-jotzailea eta Julen Izarra saxo-jotzailea ditugu. Izenak Oleaga trioa iradokitzen duen arren, hiru artistek sinatu dituzte kantak eta... [+]


2021-01-17 | Iker Barandiaran
Barruko grina eta dotorezia

Izenez soilik ezagutzen nuen Zozaya eta aitortu beharra daukat inoiz abizena ere nahastu izan diodala, baina ez neukan bere gaineko erreferentzia zehatzik. Bada, orain gutxi lagun batek musikari donostiarrak Azkoitiko Rö taldearekin batera Matadeixen egindako emanaldira gonbidatu ninduen eta sorpresa atsegina hartu nuen. Rö-rekin batera eztanda egin aurretik, Zozayak emanaldi biluzia egin zuen, berak bakar-bakarrik teklatuak eta gitarrak tartekatuz. Goxo aritu zen, baina eszenaratze... [+]


Adorea eta grina sentitu

Hori da sasoia! Bizitasuna eta adorea. Taldearen izenak berak dioen bezala, dena ematen dute kanta bakoitza jotzerakoan. Gogotsu aritzen dira, gozatu egiten dute, eta energia eta grina handia transmititzen dute.  

Ondarroako hiru gazte dira Dena taldeko kideak –Beñat Eizagirre (ahotsa eta gitarra), Xabat Ituarte (bateria eta ahotsa) eta Unai Aretxabaleta (baxua eta ahotsa)– eta haien lehen diskoa hasieratik amaierara arte segidan entzuteko modukoa da, zinez. Kantak... [+]


2020-12-20 | Iker Barandiaran
Izan ginena lurpetik atera

Azken garai luzean bizitza tristea tokatu zaigu, edonor amorratzeko modukoa; hainbeste, ezen irudikatu nahi ez genuen europar kutsuko etorkizun antisozial, etxetik-lanera-lanetik-etxera, lagun, garito eta rock-and-rollik gabekoa bertan baitaukagu. Eta ez dakigu buelta noiz eman ahal izango diogun. Bada, halako testuinguruan, eskarmentu dezente eta izen onik ez duten Arabako bost musikarik izan ginena lurpetik berriro ateratzeko asmoz hondeamakina martxan jarri dute eta bazterrak nahasteko asmo... [+]


Soinu margoak eta paisaiak

Leuntasuna eta indarra, intentsitatea. Erritmo eta giro aldaketak, paisaia eta kolore ugari antzeman daitezke Amasa-Villabonako (Gipuzkoa) Habi taldearen bigarren diskoko kantetan.

Tarteka, finak, delikatuak eta hunkigarriak diren doinuak entzun daitezke, distirarekin, melodia politak. Beste pasarte batzuetan, berriz, soinu astindu bat senti daiteke, distortsioa, doinuak bortitzak baitira, gordinak, zaratatsuak. Ekaitza eta barealdia ederki uztartu dituzte.

Jon Ander Artolak oso ongi... [+]


2020-11-29 | Iker Barandiaran
Beltzaren distira

Euskal Herrian punk eta punk-rock talde asko sortu da 80ko hamarkadatik gaur egunera artean. Hala, zaila da halako multzo handitik bereiztea eta nabarmentzea. Bada, Bilboko Shöck taldeak baditu halako ezaugarri propioak.

Taldea 2015ean sortu zuten Bilbon Milango (Italia) Micky batu zenean Mundo Matadero, Destierro eta beste zenbait talde bizkaitarretan aritutako lagun batzuekin. Mickyk musika ibilbide luzea dauka: Giudabasso, Bambole di Pezza, No Relax, Micky & Los Adels eta gaur... [+]


Bluesa bihotzean

Iker Piris gitarrista bikaina da eta bere bihotz guztiarekin abesten du. Bluesa maite du. The Romanticos taldeko gitarrista, abeslaria, konpositorea eta gidaria da, baina taldea denbora batez alde batera utzi du, eta bakarlari moduan kaleratu du garai bateko blues kantaz osaturiko Solo diskoa, gitarra akustikoarekin.

Amerikako Estatu Batuetako landa giroko blues doinuak dira. Garai batean egiten zen bezala egin du grabazioa, 1940ko hamarkadan egin izan balitz bezala, modu analogikoan, eta... [+]


2020-11-08 | Iker Barandiaran
Gogoak ez du makulurik behar

Inor aspertzen bada berak nahi duelako da, dio aspaldiko esaera batek. Hori pentsatu zuten nire aitajaunak eta bere paseo-lagunak aspaldi auzoan bi mutil ikusi zituztenean elektrizitate-poste batera igotzen. Kontuz ibiltzeko ohartarazi zieten, gazteek ez zieten agureei jaramonik egin, jakina, eta halako batean deskarga batek horietako bat lurrera jaurti zuen erdi erreta. Onik irten zen mutila, baina hanka bat galduta. Egun horretan “jaio” zen Jon Manteca. Gerora ezaguna egin zen... [+]