ARGIA.eus

2020ko irailaren 22a

Trantsizioaren gotorlekuari setioa

Itziar Bardaji Goikoetxea
2020ko irailaren 20a

Espainiako Estatuko lau presidente ohik –eta beste pertsonaia batzuek– epaile baten erabakietan eragiteko asmoz idatzitako gutunek Trantsizio izeneko gotorlekuaren defentsarako konplexurik gabeko intentzio irmoa eszenaratzen dute.

"Harresien zaindari, erdi aroko zaldunak eta ezkerraren espazioa usurpatu duen mertzenario talde bat, beren zerbitzuak preziorik hoberenean saldu dituztenak"

Gaztelua estatu eredu bat da, askatasuna ulertzeko zinezko ezkerreko forma onetsi ezin duena, bateraezina baitzaio. Gazteluaren ziegetan, inpunitate eredu bat, bide bazterretan milaka biktima utzi dituenak, giza duintasuna urratua.

Noblezia eta kleroa babesten dituzten harresien zaindari, erdi aroko zaldunak eta ezkerraren espazioa usurpatu duen mertzenario talde bat, beren zerbitzuak preziorik hoberenean saldu dituztenak: erregea lotsagabeena, Felipe González zinikoena, Zapatero diskretuena. Sánchez koldarrena ala isilena?

Lerro hauek idatzi bitartean, aurrera doaz Servini epaileak Martin Villa prozesatu ala ez erabakitzeko epearen 10 egunak. Agian, hitzok errotatiba batek paper satinatuan itsatsi orduko indarkeriaren oinordeko den estatu honen harresia su bola batek gaindituko du, herriaren etengabeko ekintzak eragindako katapultatik. Zorionak eta eskerrik asko urtetan lan honetan aritu zaretenei.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iritzia

Iritzia kanaletik interesatuko zaizu...

ASTEKARIA
2020ko irailaren 20a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude