Josu Urrutikoetxea libre uztea eta Espainiari ez entregatzea erabaki du Frantziako Dei Auzitegiak
Uztaila bukaera baino lehen ez dute askatuko eta eskumuturreko telematikoarekin Parisen jarriko da bizitzen, Frantziak egingo dizkion bi epaiketak burutu artean. Auzitegi berak atzera bota du Espainiako Gobernuaren euroagindu eskaera.
aurre egingo dieten hedabide independenteak
Uztailaren 20rako aztertu beharko du La Sante kartzelak teknikoki nola gauzatu epaileen erabakia eta auzitegiak uztailaren 29an berretsi beharko du kartzelaren planteamendua. ETAren azken agiria irakurri zuen preso politikoak eskumuturreko telematikoa eraman beharko du eta Parisen jarriko da bizitzen, Berria-k jakitera eman duenez. Etxe horretatik ordutegi jakinetan atera ahalko du eta mugikortasuna baldintzatuta izango du, Naiz-ek zehaztu duenez.
Bosgarrenean onartu dute auzitegiek baldintzapeko askatasuna
Atzo, uztailaren 1ean, Urrutikoetxearen defentsa daramaten Laure Heinich eta Lauren Pasquet-Marinacce abokatuek bere adina (69 urte ditu) eta osasun egoera delikatua erabili dituzte argudiotzat baldintzapeko askatasuna eskatzeko. Preso politikoari ebakuntza egin zioten iragan irailean, hiru hilabeteko atzerapenarekin. Fiskalak ere Urrutikoetxea askatzeko eskatu du, adieraziz Urrutikoetxeari Frantzian egingo zaizkion bi epaiketen zain ez duela kartzelan egon beharrik eta ez dela egokia Espainiako prozedurengatik (bi euroagindu eta beste bi estradizio eskaera) preso izatea Frantzian. Eskumuturreko telematikoa ezartzea eskatu du eta hiru epaileek bat egin dute fiskalarekin, gaueko 22:30ean jakinarazi dutenez.
2019ko maiatzean atxilotu zuten Josu Urrutikoetxea Frantziako Alpeetan, eta geroztik preso dute La Santen. Dei Auzitegiak urte horretako ekainean erabaki zuen euskal preso politikoa kontrol judizialarekin libre uztea baina Espainiako Gobernuak eskatutako euroaginduak direla-eta ez zuten askatu. Geroztik lau aldiz ukatu dute auzitegiek defentsaren baldintzapeko askatasun eskaera. Koronabirusaren arriskua dela-eta, La Santeko medikuburuak kartzelaldia eteteko eskatu zuen baina honi ere ez zioten jaramonik egin.
Frantziak atzera bota du Espainiaren euroagindu eskaera
Espainiak 2015eko urritik auzipetua du Urrutikoetxea 2006ko Barajasko atentatuan "gizateriaren aurkako krimenagatik", Urrutikoetxea 2005etik 2007ra ETAko taldeko politikoaren buru zela jota eta euroagindua eskatua dio Frantziari horregatik. Atzoko saioan Dei Auzitegiak atzera bota zuen agindu hori, kontu teknikoengatik.
Frantziak bi epaiketa egingo dizkio Urrutikoetxeari
ETAko zuzendaritzako kidea izatea egozten dio epaiketa batean, eta 2011 eta 2013 artean Oslon elkarrizketa mahaian ETAren ordezkaritzako kidea izatea leporatzen dio bestean.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]