Greensboroko lauak
Duela 60 urte, 1960ko otsailaren 1ean, Joseph McNeil, Franklin McCain, William Smith eta Clarence Henderson unibertsitateko ikasle beltzak Greensboroko (Ipar Karolina, AEBak) Woolworth kafetegi segregatuko barrako eserlekuetan eseri ziren, debekatuta izan arren.
Aurrez ondo prestatutako ekintza zen, eta prentsari ere deitu zioten. Ezkerreko argazkia eta antzeko ekintzak berehala zabaldu ziren. Biharamunean, bezperako lauei beste 20 ikasle gehitu zitzaizkien, eta egun gutxiren buruan ekintzaile askok kalean geratu behar izan zuten, kafetegian ezin sartuta.
Uda horretan, Woolwortheko barran beltzei zerbitzua ematen hasi ziren, baita AEBetako hegoaldeko beste hainbat saltoki eta tabernetan ere. Eskubide zibilen aldeko borrokaren lehen mugarrietako izan zen, Rosa Parks autobusean eseri eta lau urtera.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.
"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".