ARGIA.eus

2022ko abuztuaren 17a

Euskarazko brebeta azterketen emaitzak banatzeko ekitaldia eginen dute uztailaren 12an elkargoan

  • Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.

Seaskako ordezkaritza bat, zuzenketa zentroko zuzendariarekin mintzo, Hezkuntza ministroari helarazteko gutuna ematen ari (Argazkia: Piarres Larzabal kolegioa)
2022ko uztailaren 06a

Aitzina doa brebeta euskaraz pasatzeko dinamika. Seaskako ikasleek, desobeditu eta ekainaren 30ean pasa zuten zientzietako azterketa euskaraz; uztailaren 5ean, irakasleek desobeditu eta azterketak zuzendu dituzte Baionako Arteen Hirian elkarturik, Euskal Hirigune Elkargoaren babesean; eta laster, uztailaren 12an brebetaren emaitzak jasoko dituzte, Seaskak eta elkargoak elkarrekin antolaturiko ekitaldi berezian.

Mobilizazioa gogortu eta ekainaren 15ean abiatu zuten Frantziako Hezkuntza Akademiaren Ikuskaritzak Baionan duen egoitzaren okupazioa, azterketak euskaraz pasatzeko eskubidearen alde. Paris edota Bordeleren partetik ez zuten inolako erantzunik jaso. Euskal Hirigune Elkargoak, haatik, azterketen zuzenketak bermatzeko baldintzak bideratzeko konpromisoa plazaratu zion Seaskari. Hori horrela, asteartean zuzendu ahal izan dituzte Baionako Arteen Hirian, prozedurak eskatzen dituen baldintzak errespetatuz. Nahiz eta balio ofizialik ez ukan, sinbolikoki urrats inportantea izan dela argi du Seaskak. Lau egunez mobilizaturik, okupazioa bukatu zuten ekainaren 19an.

"Ez delako normala"

 "Elkargoa gisa honetan aritzen bada, sinpleki Seaska sostengatzeko egiten du, [Frantziako] Gobernuari errateko ez dela batere normala baldintza ofizialetan zientzietako euskarazko azterketak ezin ematea", adierazpen hori egin dio Mediabask komunikabideari Jean-René Etxegarai elkargoko presidenteak.

Antton Curutcharry Euskararen Erakunde Publikoko lehendakaria ere baikor agertu da, komunikabide horri egindako adierazpenetan, eta dioenaz, auzia konpontzeko edo behintzat hitz egin ahal izateko, Pariseko Hezkuntza ministerioan "ate bat irekita" dago.

 

Kanal hauetan artxibatua: Seaska  |  Desobedientzia zibila  |  Ipar Euskal Herria

Seaska kanaletik interesatuko zaizu...
2022-07-04 | Hala Bedi
Peio Jorajuria (Seaska)
"Bide guztiak itxiak zirenez desobedientziaren bidea hartu dugu"

"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".


2022-06-23 | ARGIA
Ipar Euskal Herriko parlamentariek bilera eskatu diote Hezkuntza ministroari, azterketak euskaraz pasatzeko eskaeraz aritzeko

Ekainaren 16an bidalitako gutun bidez galdetu du hitzordua Frederique Espagnac senatariak, Ipar Euskal Herriko parlamentari guztien izenean. Seaskak oraingoz ez du inolako erantzunik jaso Frantziako Hezkuntza Ministerioaren partetik.


2022-06-21 | ARGIA
Brebeta euskaraz egiten dutenen azterketa zuzentzeko bermeak ezarriko ditu Euskal Elkargoak

Brebeta euskaraz egitea erabakitzen duten ikasleen azterketak zuzentzeko egoitza publiko bat utziko dio Seaskari Euskal Elkargoak, ikastoletako irakasleek etsaminak zuzendu ditzaten. Euskaraz egindako azterketek ez dute eragin akademikorik izango, bai ordea sinbolikoa.


Seaskak okupazioarekin jarraituko duela ziurtatu du, Hezkuntza ministroa ikusi arte

Brebeta eta baxoa euskaraz egitearen alde egin dute mobilizazioa, besteak beste.


2022-06-08 | ARGIA
Brebeta zuzentzeari uko egin dio Seaskako irakasle talde batek

Ikasleek brebeta euskaraz egiterik ez dutela salatzeko azterketak zuzentzeko deialdiari uko egin diote Seaskako hainbat irakaslek, iaz abiatutako desobedientziaren bideari jarraiki.


Irakurrienak
Argia buletina
Egunaren laburpena
zure e-postan
Eguneraketa berriak daude