Apirilean ireki zuten Chillida Lekuko Lurra Kafetegia, Fede Pacha sukaldariaren gidaritzapean. Hasieratik egin dute bertako produktuen alde: hurbilekoak dira prestatzen dituzten osagaiak, modu artisauean eginak eta ahal den heinean ekologikoak. “Museoa kudeatzen dutenen baldintza zen kafetegian eskaintzen den guztia bertakoa edota ekologikoa izatea”, azaldu du Pachak.
Diametro 200 jatetxearen hedapena
Hernaniko Orona Ideo eraikinan da Diametro 200 jatetxea, eta Oronako langileen jantokia ere hornitzen du. Diametro 200 ezaguna da bertako produktuak zerbitzatzeko egin duen apostuagatik. Pacha sukaldariak urteak egin ditu proiektu horretan lanean, eta Lurra Kafetegia nolabait horren segida edo luzapena dela dio: “Eskaintzen dugun produktuaren ia %100 da bertakoa: ardo ekologikoak, garagardo artisaua, ogia, gaztak, haragia, arraina… Euskal Herrian egiten dena hemen presente dago”.
Kafetegirako behar dituzten produktuak nola eta nondik lortzen dituzten galdetu diogu. “Urteak daramatzat hostalaritzan tokiko produktuekin lanean, Diametro 200 proiektuan ere sei bat urte badaramatzagu modu honetan, eta jadanik osatua dugu produktuak erosten dizkiegun ekoizleen sarea”, dio. Jatetxeetan bertakoa eskaintzeko gogoa behar dela dio, ez besterik. “Denetik egiten da gaur egun Euskal Herrian, ez dago arazorik produktuak lortzeko”. Barazkia asko erabiltzen dute Lurra Kafetegiko plateretan, eta gehiena Hernaniko Karabeleko Etxalde agroekologikoari hartzen diote.
Bertakoa jatea kultura da
Gure inguruko produktuak eskainiz bertako kultura bultzatzen ari garela uste du Pachak. “Gure kultura gastronomikoa da, gure amek eta aitek betidanik izan dutena, baserrietan egon dena… arraroa da jendeak lotura hori ez egitea”, azaldu du. Ekonomiaren zirkulua bertan istea garrantzitsua dela gaineratu du: bertako produktuen eskaria baldin badago, ekoizpena ere egonen da, eta bertako ekonomia indartuko da modu horretan: “Gure baserritarrek ekoizten dituzten produktu artisauak kontsumitu behar ditugu gurea dena bultzatzeko. Ez dauka misterio gehiagorik!”.
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]
Urteak dira Nafarroan eta beste zenbait tokitan hazien liburutegi proiektuak martxan dituztela. Hazien liburutegiak, liburuen liburutegietan. Euskal Herriko Hazien Sareak antolatutako hitzaldi batean izan zuen egitasmo horien berri Ane Leturia Delfrade Antzuolako liburuzainak,... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Ateak ireki berri ditu Bermeon Gu Zu Bio dendak, otsailaren 17an egin baitzuten inaugurazio ekitaldia. Edurne Zulueta Aranguena da proiektuaren bultzatzailea, eta berak azaldu bezala, garbiketako produktuei lotutako kontsumoari buelta bat eman nahi izan dio egitasmoarekin... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]