Hazi zaindarien sarea zabaltzeko ekimena gasteizen


2019ko irailaren 21an

1996an sortu zenetik tokiko barietateen babes eta zaintza lanean dihardu Euskal Herriko Hazien Sareak. Hazien babes eta kontserbazioan konplize garrantzitsuak ditu elkarteak: hazi eta fruitu-arbola zaindariak. “Beraiek dira gure proiektuaren muina: haziak eta barietateak lursailetan mantentzeko zaindariak dira gure protagonistak”, aitortu du Joseba Ibargurengoitia sareko dinamizatzaileak.

Hazi banaketa

Irailaren 21ean tokiko barietateen hazi eta landare banaketa egingo du sareak Gasteizen, Olarizuko lorategi botanikoan. 11:00etan Paco Saenzek hitzaldia emanen du: Abizenik gabeko Nekazaritza, ezagutzak soiltzen. “Nekazaritzari abizen asko jartzen dizkiogu agroekologian: erregeneratiboa, permakultura, biodinamika, ekologikoa, naturala… Hainbat izen erabiltzen ditugu, eta horren inguruan hausnartzeko izanen da hitzaldia”, dio Ibargurengoitiak. Hitzaldiaren ondoren, sarearen bankuko haziak banatuko dituzte jendearen artean. “Irekia da parte-hartzea, kopuru handian ditugun barietateak ematen ditugu”. Udazkeneko eta neguko barietateak izanen dira eskainiko dituztenak: Astigarribiako gari arteko baba beltza, Herediako baba, Martina letxuga, Ajangizko ilarra, Gaubeako letxuga… Ekimenak hazien eta zaindarien erakusleiho izan nahi du, eta jende berria erakartzeko helburua dauka.

Ehunka zaindari euskal herri osoan barrena

Hazien bankuko ortu barietateen artean, 600 baino gehiago dituztela kalkulatzen du Ibargurengoitiak, eta fruitu-arbolen kasuan 1.500 baino barietate gehiago. Euskal Herriko zazpi probintzietatik jaso dituzte urteotan haziak. “Zaila da zaindari kopurua kalkulatzen, baina gutxi gorabehera, hazien 200 zaindari baino gehiago egonen dira ziur, eta fruitu-arbolenean 300 bat ere bai”, azaldu du.

Hazien banaketa egiten duten laugarren aldia izanen dute aurtengoa. Aurreko urteetan jendetza hurbildu dela eta ekimenak interesa piztu duela esan digu. Horregatik eskatzen dute orain ekimenean parte hartu nahi dutenek aurrez izena ematea. 688 855 226 telefono zenbakira deituz edo haziensarea@gmail.com helbidera idatziz eman daiteke izena.


Kanal honetatik interesatuko zaizu: Baratzetik mundura
2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


2024-06-10 | Garazi Zabaleta
Hiru Xilo
Baratzegintza ekologiko intentsiboa

Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]


2024-06-03
Agroekoop
Arabako gari zaharrak berreskuratzeko proiektua

Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


2024-05-20 | Garazi Zabaleta
Biezko
“Baso jangarri txiki batekin hasi ginen, baina kaos gehiago nahi genuen”

Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]


Eguneraketa berriak daude