Pentsioak bermatzea

  • Pentsioak informazioaren zurrunbiloaren erdian daude.

Juan Mari Arregi
2018ko urtarrilaren 21a

Haien etorkizuna “arriskuan” dago, pentsioen kutxa “agortzen” ari da, eta Espainiako Gobernuak 15.000 milioi euro “txertatu” ditu 2018an ordaindu ahal izateko. Bitartean, pentsionistek euren nominak izoztuta dituzte, hilabetean batez beste 2 euro ziztrin gehiago besterik ez baitituzte jasotzen (%0,25). Pentsionisten zati handienak mila euro baino gutxiago kobratzen du, dozenaka milaka lagunek 650 euro ere ez… Eta gainera, bi aparteko paga estretatik bat kentzeko aukeraz hitz egiten ari dira.

Pedro Sánchezen PSOEk proposamena egin du, bankuei eta finantza eragiketei zerga bat ezarri eta pentsioak ordaintzen laguntzeko. Zerga bikoitz horrekin 2.000 milioi euro bilduko lirateke urtean eta Gizarte Segurantzaren defizita (15.500 milioi euro) murriztuko luke. Sánchezek zera argudiatu du: “Espainiarrek bankuen erreskatean euren izerdiaz lagundu bazuten, justuena da orain bankuek laguntzea pentsioen sistema mantentzen”.

El País egunkaria buru duen fronte mediatikoak –bankuen zerbitzura noski– proposamena arbuiatu du, “populista” eta “okerra” dela esanez. Ikusteko dago proposamena elektoralista ala zintzoa den. Zintzoa balitz, aliantzak bilatu beharko lituzke. Eta are zintzoagoa litzateke beste proposamen bat egingo balu pentsionistei PFEZa ezabatu eta Estatuaren zenbait egitura murrizteko, bere alderdiari eragingo bailioke horrek: Errege Etxearen gastuak, Defentsarenak, alderdi politikoenak (aholkulariak, auto ofizialak, dietak, bidaiak…) –eta beren pribilegiozko pentsioak–, sindikatu eta alderdiei ematen zaizkien subentzioak ezabatu… Burokrazia horretan milaka milioi euro xahutzen dira, pentsioen sistema sostengatzeko ezinbestekoak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Pentsioak

Pentsioak kanaletik interesatuko zaizu...
Martxoak 8, greba feminista
Mobilizazio anitzak, aldarrikapen politiko zehatzak

2018ko Martxoak 8ak aurreikuspenak hautsi zituen. Aurtengo greba feministan ere, txiki geratu dira egindako kalkuluak. Begi-bistakoa izan da. Hiriburuetan zer gertatuko geunden, eta horietako indar erakustaldiek iazkoa gainditu badute, aurtengo sorpresa auzoetakoa eta herrietakoa izan da. Txokorik txoko antolatu dira eta iaz mugimendurik egon ez zen herrietara ere heldu da olatua. Ez da kasualitatea izan, mugimendu feministak mobilizazio deszentralizatua akuilatu du eta emaitza ikusi da.


2019-02-10 | Juan Mari Arregi
Pentsionistak geldiarazi nahi dituzte

Emakumeenaz gain, pasa den urteko Hego Euskal Herriko mugimendu sozial garrantzitsuena, zalantzarik gabe pentsionistena izan da, Espainiako eta erkidegoetako gobernuak mugiarazterainokoa. Mobilizazio horiei esker pentsioak balioz handitzea lortu dute, batez ere baxuenak. Baina aldarrikapen nagusia betetzeke dago oraindik: 1.080 euroko pentsio duina izatea, Europako Karta Sozialak ezarritako gutxienekoa hain zuzen. Gobernu guztiak, izan Madril, Gasteiz zein Iruñekoa, derrigortuta daude... [+]


2019-02-03 | June Fernßndez
IRITZIA
Jubilatuen borrokak

Euskal jubilatuen plataformetako kideei egindako elkarrizketa bat irakurri berri dut. Kazetariari erantzun diote ikasle eta langile gutxik parte hartu dutela manifestazioetan, pentsioen kontua oso urrun ikusten dutelako eta, hortaz, ez direlako nahikoa identifikatzen. Hori irakurri eta Nikaraguaz akordatu naiz.

2018ko apirilean Gizarte Segurantzaren erreforma baten kontrako manifestazioetan piztu zen gatazka politikoa, baina hori ondo ulertzeko atzera egin behar dugu, 2013an garatutako... [+]


2019-01-27 | Juan Mari Arregi
Jaka horidunak eta pentsionistak

Manifestazioek, grebek eta langile mobilizazioek ez dutela ezertarako balio pentsatzen dute ezkorrenek, eta horregatik ez dira kalera ateratzen. Baina beste behin, errealitateak kontraesanean jarri ditu eta ez lukete besoak gurutzatuta geratu behar, besteak protestan ari diren bitartean.


Emakume eta gizonen pentsioen artean "sekulako aldea" dagoela salatu dute

Emakume pentsiodunen Oneka elkartea Emakundeko zuzendari Izaskun Landaidarekin bildu da. Prestazioetan gizon eta emakumeen artean alde handia dagoela salatu dute.


2019-01-21 | I˝igo Igartua
Mobilizazioak indartuko dituztela aurreratu dute pentsiodunek

Hala jakinarazi dute borrokaren lehen urteurreneko manifestazioan. 1.080 euroko gutxieneko pentsioa eta KPIaren araberako pentsioen igoera aldarrikatu dute manifestazioko parte hartzaileek.


2019-01-14 | ARGIA
Pentsiodunak astelehen bat gehiagoz mobilizatu dira: urte bete da protestari ekin ziotela

Aste  honetan osatuko dute mobilizazioz betetetako urtea Hego Euskal Herriko eta Espainiako jubilatuek, pentsio eta bizi baldintza duinak lortzeko ahaleginean. Astelehen honetan ere hainbat herritan berretsi dute gutxieneko duinak lortu arte segituko dutela asteroko bilkura eta manifestazioekin.


2019-01-13 | Juan Mari Arregi
Urteko borroka soziala

Euskal pentsionistena, dudarik gabe, 2018. urteko borroka sozial nagusia izan da eta 2019an ere hala jarraituko du izaten, kolektibo jendetsu eta garrantzitsu hori ez da geldituko bere aldarrikapenak lortu arte. Duela hamar hilabete hasi ziren, Hego Euskal Herriko lau hiriburuetan eta beste herri askotan elkarretaratzeak eta manifestazio masiboak eginez, 2018ko abenduaren 15ekoa kasu.


2019-01-08 | ESK sindikatua
BGAEak ez dira konponbidea. Pentsio publikoen askitasunaren alde

Datorren urtarrilaren 15ean urtea beteko da pentsiodunen mugimenduak lehenengoz kaleak hartu zituenetik. Momentu hartan, gutxik susmatzen zuen, inork ez ez esatearren, mugimendu horren ibilbidea eta bere aldarrikapenak agenda politikoan jartzeko gaitasuna.


2018-12-23 | Adur Larrea
Ez hanka ez buru
Tentsio duina

ASTEKARIA
Azkenak
EGILEA
Eguneraketa berriak daude