Emakumeak borrokan
Ione Belarra, Podemoseko diputatua Nafarroatik

"Altsasuko gazteen auzian tabernako borroka bat politizatzen saiatu dira"

  • Iruñea, 1987. Espainiako Kongresuko diputatua da. Madrilera joan zen psikologia egitera eta harrez gero joan-etorrian dabil. Kongresuko Podemoseko bozeramaile Irene Monteroren albokoa da eta alderdiko zuzendaritzakoa; areago, “itzaleko gobernua” –balizko gobernua– deitzen duten 24 kideetako bat da, migrazio politikez arduratzen dena.

Xabier Letona @xletona
2017ko apirilaren 16a
Alderdian boterera iristeko moduaz eztabaida izan dugu, baina uste dut esajeratu egin dela Podemosen PSOEra begira dagoen jendearen planteamenduaz.I˝igo Uriz

Egur handia jaso duzue Madrilen Altsasuko gazteen auzia Nafarroan epaitzea eskatzeagatik, baina Nafarroako Auzitegiak ere horixe  eskatu du.
Kasu horrek behin ere ez zuen atera behar Iruñeko Auzitegiko 3. aretotik.  Zentzuzkoa hori da, tabernako borroka bat politizatzen saiatu dira eta. Azkenean, PPk egin dituen mozal legeek –kasu honetan Zigor Kodeak– oso lauso uzten du terrorismo delitua eta horren arabera edozeini lepora dakioke terrorismoa.

Zein inpresio duzu PSOEk eta EAJk Mozal Legea erreformatzeko aurkeztu dituzten proposamenez?
Hau bertan behera utzi Corcuera Legera itzultzeko? Hori ez da guk nahi duguna. No Somos Delito eta gisako elkarteekin lanean hasiko gara behar diren zuzenketak egin eta ez gaitezen lehengo legeetara itzuli, herritarren eskubideak babestuko dituen legedi batera baizik.

Madrileko Vistalegren egin berri duzuen kongresuan zatiketa arriskua egiazkoa izan zen askoren ustez. Nola ikusi zenuen egoera?
Ez dut uste apurketa arriskurik izan denik. Izena ematen dugunok erabakitzen dugu Podemosen eta hori sekulako tresna da. Hainbeste jendek bozkatzen duenean zaila da hanka sartzea.

Bada, tentsioak oso gora egin zuen eta bazen apurketaren arriskuaz hitz egiten zuen jendea, kanpoan eta barruan.
Bai egia da, Vistalegre aurreko uneak tentsio oso handikoak izan ziren eta hainbatetan erabili ziren kideekiko inoiz erabili beharko ez liratekeen hitzak. Alde horretatik, Miguel Urbanek asmatu zuen egokien mezuarekin: “Etsaia kanpoan dago, ez barruan”. Eztabaida genezake eta iritzi desberdinak izan, baina guztia giro egokian eraman behar dugu beti. Kultura politiko piska bat falta zaigu oraindik.

Podemoseko lurrikararen epizentroa, gainera, Madrilen zegoen. Borroka horiek ez dira baretzen berehalakoan.
Pablo Iglesiasek irabazi izanak zauriak sendatzen lagundu du, zuzendaritza berriak Iñigo Errejonen taldeko jendea hartzen du eta: Errejon bera, Pablo Bustinduy, Auxiliadora Honorato… Antikapitalistetako Miguel Urban ere hor da.
Ordezkaritza sistemak antikapitalistak zigortu ditu: botoen %13 lortu zuten, baina zuzendaritzarako hautatu beharreko 62 pertsonetatik bi bakarrik egokitu zaizkie.

Ez dut uste primarien testuinguru batean zigor kontuez jardun litekeenik, areago desberdintasunak oso kontuan hartu direnean eta aurrera begira bakarrik begiratu nahi denean. Beste espazio batzuk ere badituzte, Madrilen, Andaluzian… uste dut badutela beren posizioa defenditzeko modurik.

Hiru urte ez da ezer alderdi baten bizitzan. Kalean sortu zineten baina soilik bide instituzionalean erortzeko arriskua duzue, Vistalegren ere jorratu da gaia. Nola saihestu hori?

Batetik, Vistalegren oso ondorio garrantzitsu bat atera dugu: udal mailak duen garrantzia. Udal hauteskundeetara jo genuenean hainbatek garrantzi txikiagoa eman zion esparru hori, baina hor ari gara frogatzen biharko egunean gobernura eraman dezakeguna.Bestetik, aurrean dugun boterea indartsua da. Trama hau guztia desegiteko estrategiak oso ondo zorroztu beharko ditugu: bide instituzionala, mobilizazio handiak kalean eta profesional oso onak.  

Kalea itzaltzen ari da?

Uste dut jendea berriz hasi dela mobilizatzen, ikusten baitu lan instituzionala ez dela nahikoa. Guk argi dugu, instituzio alorra indartsua izanda ere, horrek kalean kontrabotere indartsua ez badu, ezingo ditugu gure herrialdeko botere harremanak aldatu.

Pedro Sanchezek irabazten baditu PSOEko primariak, berriz izango duzue harekin ituna egiteko prest izango den jendea.

Alderdian boterera iristeko moduaz eztabaida izan dugu, baina uste dut esajeratu egin dela Podemosen PSOEra begira dagoen jendearen planteamenduaz. Hori gehiago izan da hainbat hedabideren jokoa. Edozein modutan, Pedro Sanchezek nahi izan balu gurekin ituna egin austeritate politikei aurre egiteko, lehenago ere egingo zukeen.

Nafarroako Gobernua sostengatzen duzuen alderdiek Madrilen ere ematen al diozue sostengua Foru Gobernuari?

EH Bildukoekin egiten ditugu gauzak elkarrekin, esaterako Altsasuko gaia. Luzatzen diogu eskua elkarri,  baina haien ordezkariak Bizkaia eta Gipuzkoakoak dira, ez dago aldaketaren gobernuko beste ordezkaririk Madrilen eta horrek zaildu egiten ditu Foru Gobernuari begirako lanak.

Katalunian aldebakarreko erreferenduma egiten bada, Madrilen sumatzen da autonomia desegiteko moduko girorik?

Katalunian iritsi gara une batera non ez PPren Gobernuak ez Junts Pel Sík ez dakiten hurrengo urratsa zein izango den. Biek uste zuten une honetara iritsita beste aldean izango zela negoziatzeko prest zegokeenik. Gu gobernuan bageunde aspaldi jarriko ginatekeen negoziatzera.

Nafarroan ez gaude ezta antzerako egoera batean ere…

Oraindik ez…

… baina bagina, ongi ikusiko al zenuke hemen ere erreferendum bat egitea?

Gure proiektua plurinazionala da eta Konstituzioan lurraldeen erabaki eskubidea onartuko genuke, izan Nafarroarako, Euskadirako edo dena delakorako. Hori da beti defendituko duguna.

EAEko zure kideek Nafarroarekiko harreman iraunkorrerako instituzioa bultzatu beharko litzatekeela zioten hango azken hauteskunde kanpainan. Zuk zer uste duzu?

Gure inguruko elkargoekiko harremanetan sakondu behar dela uste dut, areago gure antzeko egoerak bizi badituzte. Ez dakit zehatz mehatz zer proposatu zuten, baina harremanetan sakontzea ekar dezakeen edozer ona da.

Migrazio prozesuak gero eta handiagoak izango dira Europarantz. Nola egin aurre fenomeno honi, toki askotan gertatzen ari den xenofobian erori gabe?

Argi erakutsi behar da krisi ekonomikoaren errudunak nortzuk diren, eta Podemosek hori egin du. Horrez gain, datozenei legezko bideak eta seguruak ireki behar zaizkie, hori da jokabidea. Jendea itsasoan hiltzen behartzen ari dira oraingo etorrera moldeekin.

Zein balorazio egiten duzu Nafarroako aldaketaren Gobernuaz?

Balorazio positiboa da. Laukotea egoki ari da lanean, Gobernua egonkorra da eta lan egin behar dugu hurrengo legealdian ere errepikatu ahal izateko. Hori bai, hurrengo legealdian gure lidergopean gustatuko litzaidake jarraitzea aldaketarekin.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Altsasuko gazteak  |  Nafarroako politika  |  Espainia

Altsasuko gazteak kanaletik interesatuko zaizu...
Altsasu kasuan ez zela terrorismorik izan onartu du Fiskaltzak orain

Estatuko fiskaltzak ontzat eman du Auzitegi Nazionalaren sententzia eta ez du helegiterik aurkeztu Epaitegi Gorenean. Ontzat ematen du beraz, 2016ko urrian Altsasun gertatutakoa ez zela terrorismoa izan, hau da, ezerezean uzten du auzia Auzitegi Nazionalean epaitzeko tesia.


55.000 lagunek babesa eskaini diete berriz Altsasuko gazteei

Euskal Herritik eta Espainiako Estatutik etorritako dozenaka milaka pertsonak Altsasu kolapsatu zuten igandean, Espainiako Auzitegi Nazionalak berretsitako gazteen epaiari arbuioa erakutsi eta Altsasuko gazteei elkartasuna adierazteko. Altsasuk inoiz bizi izandako manifestaziorik handienean, gazteen askatasuna ere eskatu zen.


2019-03-20 | Guaixe .eus
Altsasuko gazteen gurasoak Bruselara joango dira auziaren berri ematera

Altsasuko Auzia nazioartekotzeko bidean, Altsasu Gurasoak taldeko eta Altsasukoak Aske herri plataformako kideak, atzera ere, Bruselarako bidea hartuko dute asteazken honetan eta ostiralera arte han izanen dira.


2019-03-17 | Santi LeonÚ
GAIZKI ERRANKA
Txiki Park Navarra

Txiki Parketan, erraz ezagutzekoak diren koloreek osatzen dute mundua: horia hori da eta berdea berde, tarteko ñabardurarik gabe. Formak ere aise atzematen dira: leunak dira izaten, haurrei min ematen ahalko liekeen ertz edo puntarik gabeak. Azalera suabe eta beratz horien artean, umeek abenturak bizitzearen zirrara sentitzeko aukera dute, baina sekulan arriskuan egon gabe; gero gurasoei harro kontatzen ahal diete zeinen ausartak izan diren.


2019-03-13 | ARGIA
Bel Pozueta Altsasuko gurasoa, Espainiako Kongresurako hautagai EH Bildutik

Nafarroako zerrenda-burua izango da Bel Pozueta, Espainiako Kongresuko hauteskundeetan. Behin baino gehiagotan salatu izan dute Altsasuko gazteen afera Espainiako Kongresuan.


2019-03-11 | Hala Bedi
Guardia Zibilaren kuartelaren pareraino eraman dute Altsasuko gazteen aldeko aldarria Gasteizen

Elkarretaratzea egin dute Laudion. Altsasuko gazteen aurkako espetxe zigorren berrestea salatzea izan da ekimenaren xedea. Gauzak hala, Guardia Zibilak herrian duen kuartelaren pareraino joan dira protesta gauzatzera.


2019-03-11
Martxoaren 24rako manifestazioa deitu du Altsasu Gurasoak Plataformak

  Bi eta hamairu urte arteko zigorrak berretsi dizkie Espainiako Auzitegi Nazionalak Adur Ramírez de Alda, Jokin Unamuno, Jon Ander Cob, Ainara Urkijo, Julen Goikoetxea, Aratz Urrizola eta Oihan Arnaz gazteei.


Altsasuko Koxka tabernan izan dira Casado, Inda eta Beltran

UPN eta PP alderdien arteko ituna sinatzera etorri da PPko presidentea Nafarroara.


2019-03-07 | ARGIA
Altsasuko gazteen kontrako zigorrak berretsi ditu Auzitegi Nazionalak

Espainiako Auzitegi Nazionaleko Apelazio-Salak berretsi egin ditu Altsasuko gazteen kontrako 2 eta 13 urte arteko espetxe zigorrak, salbu eta Iñaki Abadena (hiru urte murriztu dizkiote), SER irratiak aurreratu duenez. Gazteen abokatuek oraindik ez dute epaiaren notifikaziorik jaso.


Martxoaren hasieran ezagutaraziko dute Altsasuko auziko behin betiko epaia

Auzitegi Nazionaleko apelazio aretoko magistratuek erabakia hartu dute.


ASTEKARIA
Azkenak
EGILEA
Eguneraketa berriak daude