Ongi pasa eta baliatu, baina ez zaitzala pantailatxoak jan

Internetek aspaldi zabaldu zion munduko leihorik handiena herritarrari eta aisialdia ez da iraultza horretatik kanpo geratu. Azken urteetan, hala ere, teknologia berriek beste milaka leiho txiki zabaldu dituzte bizitzako ia alor guztietan eta gainera, sare sozialen bidez, hori guztia partekatzeko aukerarekin. Ondorengo lerroetan mendian, bizikletan, itsasoan eta aisialdiko beste hainbat alorretan erabili daitezkeen aplikazio eta guneak aipatzen dira. Geolokalizazioa da horietako askoren oinarria. Edozelan, tresna hauek erabiltzen dituzten mendizaleetako batzuk ohartarazten ari dira jada adi ibiltzeko, inguruneari baino pantailari begira denbora gehiago pasatzeko arriskua hedatzen ari dela.

Wikiloc, milioika ibilbide

Aire librean egiteko kirol edo jardueretarako ibilbideak partekatzen dira bertan, guztiak geolokalizazioa erabilita. Mendian, espazio naturaletan edo errepidean egindako ibilbideak dira, oinez, korrika, bizikletaz, eskiz, raketez edo motoz egin daitezkeenak. Ia 2 milioi pertsonak partekatzen ditu munduko osoko 4,5 milioi ibilbide eta 7 milioi argazki. Google Maps edo Open Street Mapen gainean dago eraikia eta ibilbide bat nahi diren GPS markekin hornitu daiteke, aldi berean amu gisa edo ibilbidea lagungarri egin dezaketen argazkiak gehituz.

Orux Maps, internet gabe

Mapen gainean GPSarekin ibili eta gure ibilbideak egiteko beste aplikazio bat da. Bere ezaugarri garrantzitsuenetakoa da off-line ere erabili daitekeela, hau da, ez dela internet konexiorik behar berarekin aritzeko; horrexegatik, askok deitzen diote mendizalearen GPSa. Bere mugarik handiena, alabaina, sinplea da, mendian bederen: bateriarekin dabilela eta hau agortu egiten dela; bistakoa bai, baina oso kontuan hartzeko, batez ere mendian egunak egin behar direnean.

GPS Status, lagungarri

Kontrakoa saltzen den arren, teknologiaren mundua ez da biribila beti. Esaterako, erabiltzaile asko kexu da Android sistemak GPS konexioetan eman ohi dituen arazoekin. Bada, honetarako ere bada konponbiderik aplikazioetan, adibidez GPS Statusekin. Aplikazio honek, funtsean, GPSarekin azkarrago konektatzeko aukera ematen du. Horrez gain, baditu hainbat tresna, esaterako, iparrorratza, nibelatzaileak edota gure posizioa partekatzeko aukera.

Layar, errealitate areagotua

Iraganean, aplikazio hau beti egon da lotua etorkizunarekin –batez ere zinemaren bidez–, baina badira urteak bertan dugula,  egungoa da; hori bai, azken bizpahiru urteetan asko zabaltzen ari da. Funtsean, errealitatea “handitzen” du, hau da, gure mugikorrekin –telefonoekin, tabletekin…– zerbait enfokatzen ari garenean toki horrek duen informazio birtuala eskaintzen digu. Bi irudi gainjartzen ditu, lehendik landua dagoena eta gu hartzen ari garena; irudi edo toki horrek aurretik duen informazio birtual guztia agertuko zaigu.

Alpify, segurtasuna

Aplikazio honekin jolas gutxi, baina hobe deskargatua izatea, erabiltzaileen segurtasuna handitzea baitu xede. Internet konexiorik gabe ere, mugikorraren koordenadak irakurtzen ditu eta 112 edo bestelako larrialdi zerbitzuetara konektatua dago. Erabilera sinplea da, aplikazioa eta smartphoneko GPSa aktibatua izan eta larrialdi egoeran botoi gorriari eman. Hobe erabili behar ez bada, baina badaezpada funtsezkoa da gainean eramatea.

Strava, korrikalari eta txirrindularientzat

Beste hainbatek moduan, aplikazio honekin ibilbideak partekatzen dira. Erabailtzaileek bi ezaugarri nabarmentzen dituzte: batetik, ibilbideak egin eta partekatzeko erraztasunak eta bestetik, lehia neurtzeko aukera. Norberak egindako denborak eta izandako errendimenduak zehaztasun handiz jasotzen ditu eta besteenarekin konparatzeko aukera ematen du, rankinak ere osatzeko aukera eskainiz. Kirol hauetan norberarekiko edo gainerakoekiko egun dagoen lehia ikusita, hobeto ulertzen da mundu horietan duen arrakasta.

Klasikoak, baina eraginkorrak

Snow Forecast eta Sur Forecast. Webgune sinpleak dira, baina zehatzak. Izenak dioen gisan, elur eta surfaren munduko eguraldi iragarpenak ematen dituzten webguneak dira. Zenbat elur egingo duen zentimetrotan, izotzaren altuera, haizearen norabide eta abiadura, olatuen tamaina… Surfaren kasuan gehitzen ditu norbera dagoen tokiko inguruetako hondartza eta surfa egiteko behar den oinarrizko informazioa. Blogak ere dozenaka dira, merezi du horietan arakatzea eta hauetan bai, teknologiak eman ezin dezakeen informazio ugari aurkituko daiteke. Pirinioetako eguraldia eta mendi eskia jorratzen duen bat, esate baterako, oso modan dago azken urteetan: www.lameteoqueviene.com, mendebaldeko Pirinioetako egualdiaz eta elurraren egoeraz halako zehaztasuna toki gutxitan eta, gainera, mendi eski ibilbide bikainez hornitua.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude