Kutxaren eta EAJren erantzukizuna

Gipuzkoako herritarrak kalteturik aterako dira, Foru Ogasunak Kutxari –orain Kutxabanken barruan– 30 milioi euro ordaindu beharko dizkiolako, 2001ean gaizki egindako inspekzio batengatik. Orduan EAJ zegoen foru erakundearen agintean eta bere kudeatzaile politikoei dagokie gertatutakoaren ardura. Espainiako Auzitegi Gorenak Kutxak bere garaian jarritako helegitea onartu du eta ebazpenean dio 2006an Kutxak kopuru hori ordaindu behar izan zuela. Kutxak 2001 eta 2005 artean sozietate-zergaren aitorpenen bidez 21,4 milioi euro ordaindu zituen –interesak barne 30 milioi euro dira–; bada Gorenak kopuru hori ordaintzetik salbuetsi du. 1997tik 2004ra Kutxak Repsolen inbertsioak egin zituen, La Caixa eta Caixa Catalunyarekin batera espresuki sortutako Repinves SA elkartea erabiliz. Horrek Kutxari ahalbidetu zion fusioentzako erregimen berezian sartzea eta motibazio ekonomiko bat egonez gero –eta ez zerga gutxiago ordaintzeko intentzio soila– kenkari fiskalak izatea.

Kontu honetan, erantzukizun bikoitza dago. Alde batetik, Fernando Spagnolo presidente duen Kutxarena, ingeniaritza fiskala erabili baitzuen zerga gutxiago ordaintzeko; horrek Gipuzkoako lurraldearekiko konpromiso sozial eta politiko eskasa agerian utzi du. Bestetik, EAJrena, orduko buruzagi nagusi Roman Sudupe eta Antton Market zituela. Politikariok, kudeaketa kaskar horrekin, herentzia milioidun negatiboa utzi dute, duela 13 urte gainbegiratu ez zuten operazioaren ondorioz.

Orduko Kutxaren eta Gipuzkoako Ogasunaren kudeatzaileak finantza eszenatokitik desagertu dira, baita politikatik ere. Ez al lukete aurpegia eman behar eta euren erantzukizuna onartu? 30 milioi euro horien ordainetan herritarrak kaltetuta aterako direnez, Gipuzkoako EAJk ez al du operazioaren inolako ardurarik bere gain hartu behar? Besteei eragindako mina onartzeko eskatzen dietenek, eredu izan behar lukete, orain eta hemen.


Kanal honetatik interesatuko zaizu: Kutxabank
2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


Kutxabankek komisioak kenduko dizkie erabiltzaileen %80ri

Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.


Kutxabankek akordioa sinatu du Madrilgo Alantra inbertsio bankuarekin, "hazteko" estrategia berriaren baitan

Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.


Frantziako Tourrerako atera dituzten ikurrinek EITB, Kutxabank eta Eusko Jaurlaritzaren logoak dituzte

Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.


Antón Arriola (Kutxabankeko presidentea):
"Kutxabankek Euskadiko mugetatik kanpo hazi behar du"

Kutxabankeko presidenteak finantza entitatearen hurrengo urtetarako asmoak azaldu ditu Cebek Bizkaiko patronalak egindako jardunaldi batean. Bere hitzartzean iradoki du Euskal Herritik kanpo hazteko proiektua duela Kutxabankek, eta horretarako banku pribatuetan eta inbertsio... [+]


Eguneraketa berriak daude