Heldu diren batailak


2014ko urtarrilaren 19an
2013ko azken asteetan, Ipar Euskal Herriaren ezagupen instituzionala aldarrikatzen duten sektoreak mobilizaturik ziren bitartean, Frantziako Gobernuaren aldetik mugimendu batzuk ikusi ahal izan ditugu, ondoko hilabeteetan irekiko den sekuentzia berria marrazten dutena. Mauleko manifestaldia baino zenbait egun lehenago, Jean-Marc Ayrault lehen ministroak gutuna igorri zien Garapen eta Hautetsien kontsailuen presidenteei. Gutuna bera keinu politikoa zen, ordu arte dosierra nolanahika kudeatu zuten Barne eta Deszentralizazio ministroen eskuetatik kendua zela iragartzeko. Gutunean zalantzan zen lurralde kontratu bereziaren printzipioa baieztatzen zuen Ayraultek, baita tokiko gobernantza egitura azkar baten beharra ere. Azkenik, Euskal Herrian hainbeste haserre piztu zuen elkarrizketari ukoa bertan behera utzi zuen prezio merkean, delegazioa errezibitzeko kontseilari bat izendatuz. Haatik, hitzik ez Lurralde Kolektibitateari buruz.
 
Bitartean, prefeta azken hilabeteetan mindu ziren arazoak banan-banan indargabetzen saiatu da. Ikastolen diruztatzeari begira azken hogei urteetako statu quo apurtu ondoren, hautsi-mautsi berria prestatzen ari omen da. Kantonamenduetako berrantolaketa dela eta, bazterrak inarrosi zituen lehengo proiektua baztertua izan da eta mapa berriak euskal lurraldea ontzat eman du. Baina lurralde gobernantza atalean ari da prestatzen kontraofentsiba nagusia. Azken bi urteetan instituzio aldarrikapenak lortu dituen sostengu eta garaipenen aurrean erantzun politikoak atzeman behar ditu Estatuko ordezkariak.
 
Lurralde antolaketari buruzko lege berriak sortu duen “Lurralde oreka poloa” Ipar Euskal Herrian sortzea proposatzeko asmoa du. Makiabelismo zerbait ikus daiteke jokaera horretan: hautetsien artean Lurralde Kolektibitatearen alde sortutako adostasun zabala lehertuko dela eta holako egitura konplexua zutik ezartzerakoan, bakoitzaren tokiko interesek gaina hartuko dutela espero du. Beste aldetik ikusita, gogoeta sakona ezinbestekoa da: proposamen hori erdibide bat ote da urrunago joateko ala karrika itsua eta zepo politikoa? Boikot hutsa defenditu behar ala dagoena hartu badaezpada ere? Nola atxiki jendarte zibila eta hautetsien arteko aliantza eta zer-nolako estrategia eraginkorra plantan ezarri, hautu taktikoez haraindian funtsezko helburuak lortzeko? Ekuazio konplikatu honi 2014ko urtean gaineratuko zaizkio herri hauteskundeetako emaitzak, Udalbiltzaren aurrerapausoak, Bretainian eta Korsikan burutzen ari diren prozesu politikoak, Eskozia eta Kataluniako erreferendumen lurrikara ahantzi gabe.
Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude