Gresepiak (Grup de Recerca Seminari de Protohistòria i Arqueologia), Tarragonako Rovira i Virgili Unibertsitateko taldeak, arazo ekonomikoak ditu L’Assut de Tivenys-eko aztarnategia babesteko eta industen jarraitzeko. Horregatik lantaldeak Verkami bat zabaldu du, Internet bidezko mikromezenazgo sistema, proiektuarekin jarraitu ahal izateko. Sistema horren bidez, edonork edozein ekarpen egin dezake, eta Gresepiako kideek 3.000 euro biltzea espero dute.

2000. urtean hasi ziren L’Assut de Tivenyseko aztarnategia industen, eta dagoeneko K.a. VII. mendetik I. mendera bitarteko asentamenduen arrastoak aurkitu eta egiaztatu dituzte. Baina orain arte agerian utzitako egiturak arriskuan daude eguraldia dela eta. Horiek babesteko 6.000 euro behar dituzte.