Desobedientzia zibila indarra hartzen
Istanbulgo Taksim plazan sei orduz zutik egon zen turkiar batek ehunka lagun inspiratu ditu. Biolentziaz beteriko egunen ostean, jendea kalean zutik tinko geratzen hasi da Gobernuaren aurkako protesta gisa.
Erdem Gunduz izeneko artistak ekainaren 17an protesta egiteko zutik egotea erabaki zuen. Polizia etorri zitzaion, ‘katxeatu’ egin zuten, ez zen mugitu, grabatuta geratu zen unea (ikusi bideoa beheko koadroko kodea mugikorrarekin eskaneatuz), beste sei orduz geratu zen bertan, bideoak sarera salto egin zuen, eta gau hartan bertan 300 bat pertsonak egin zuten bat berarekin. Goizaldeko 2:00etan poliziak atxilotu egin zituen mugitu nahi ez zutenak. Hurrengo egunean ehunka izan ziren Gunduzek inspiratuta kalera atera eta zutik geratzea erabaki zutenak.
Gunduzen hitzak jaso dituzte BBCn. Protesta egiteko geratzen zitzaion modu bakarra zutik jartzea eta bertan tinko eustea dela dio.
Turkiako protestetan ere sare sozialek garrantzi handia izan dute, batez ere, informazio zuzena eskuratu nahi zuten herritarrek hori lortzeko modua izan dutelako. Info7 irratiko Mundurama saioan gaiari buruz hitz egin zuten: elkarrizketatuetako batek azaldu zuen herrialdeko hedabide nagusiek protestak zentsuratu zituztela. Gezi parkea Gobernuari desafio egiten ari zen jendez beteta zegoen unean, Turkiako CNN katean pinguinoei buruzko dokumental bat botatzen ari zirela, eta hala, pinguinoak zentsuraren sinbolo bihurtu direla.
Twitterren #Duranadam (zutik dagoen gizona) eta #Durankadin (zutik den emakumea) etiketak erabiltzen ari dira. Albiste hau idazteko orduan, Turkiako leku ugaritan jendea zutik protestan ari da.
Protesta hori kontraste handia da orain arteko poliziaren jarrerarekin alderatuta –negar-gasak, tiroak eta tankeetatik ura botatzen ibili dira–, baita poliziari erantzun gisa bortizkeria erabili duten manifestarien jarrerarekin ere.
The Guardian egunkarian argitaraturiko artikulu batean, Richard Seymour egileak ondorengo analisia egin du: “Erresistentzia pasiboa ez da soilik neurri sinbolikoa, boterea nahastu egiten du eta bere kalkuluak oker egitera eraman. (…) Gunduzen protestak bi alde ditu, aurre egiten dio botereari eta aldi berean galdera planteatu: Jo egin behar dute? Zergatik? Bera bertan zutik besterik ez dagoen pertsona da. Beraz, bakarrik utzi? Orduan irabazi egiten du, ezta?”.
Youtuben ikus daiteke Erdem Gunduz zutik eta tinko:
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Antolakunde armatu kurduak bere 12. kongresuan hartu du erabakia, Abdullah Öcalan buruzagi historikoak otsailean eginiko eskaerari jarraituta. 1984an abiatu zuen PKK-k Turkiaren aurkako borroka armatua, eta Nazio Batuen Erakundearen arabera 45.000 hildako inguru eragin ditu... [+]
Ekrem Imamoglu Erdoganekein lehiatzekoa da hurrengo presidentetzarako bozetan, CHP Herriaren Alderdi Errepublikanoa alderdiaren hautagaitzara aurkeztu den bakarra baita. Ustelkeria eta "terroristekin kolaboratzea" egotzi diote, eta bere atxiloketaren ostean piztutako... [+]
Lurrikara geopolitiko bat astintzen ari da Ekialde Hurbileko mapa. Anabasaren erdian, Abdullah Öcalanen bakerako azken deiak mahai gainean jarri du eskualdeko gatazka armatu zaharrena. Ez, aurrekariek ez diote bide ematen itxaropenari, eta historiaren trena inoiz baino... [+]
Urteak iragan dira bere azken argazkia ikusi zenetik. 26 urte daramatza preso Abdullah Öçalanek Turkiako Imrali uhartean, "erakunde terroristako" buruzagitza egotzita. Ostegun eguerdian bere bideo bat ez, baina argazki berri bat zabaltzeko baimena eman du... [+]
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Astelehenean Manbij hiria hartu du Turkiaren babesa duen SNA Siriako Armada Nazionalak. Kurduen iraultzaren erreferente nagusia da Kobane, bertan garaitu zuten Estatu Islamikoa taldea orain zortzi urte, Rojavako Iraultzari hasiera emanez.
Siriako egoera bortitza izoztuta egon da azken urteetan, eta orain nazioarteko lehen planora atera da. Azaroaren azken egunetan, Siriako Gobernuaren aurka gerran diren talde jihadistek oso egun gutxitan hartu dute Alepo, herrialdeko bigarren hiria. Egoera oso konplexua eta... [+]
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Bi kazetari, Hêro Bahadîn eta Gulistan Tara, eta haien txofer zihoan Rêbîn Bekir lankidea, Hewraman eskualde kurduan dokumental bat egitera zihoazen. Beren autoa misil batek jo zuen. Bekir zorteduna izan zen, autoa sutan lehertu baino lehen, inpaktuak... [+]
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Genozidioa zoritxarrez modan dagoen hitza da. Rafael Lemkinek 1946an egin zuen definizioaren arabera, “talde nazional, etniko, arrazazko edo erlijioso bat erabat edo partzialki suntsitzeko asmoz egindako ekintzak” dira genozidioa. Ekintza horiek “taldeko kideak... [+]
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Turkiak jakinarazi du Israelekin zituen merkataritza harreman guztiak eten dituela eta Nazioarteko Justizia Auzitegian Israelen aurkako genozidio salaketarekin bat egitea eskatuko duela.
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.