ARGIA.eus

2021eko urriaren 25a
Jakoba Errekondo @bizibaratzea
2013ko maiatzaren 05a

Sagastiak lorez janzten direnean bezalako ikuskizun gutxi. Oteizak zituen pilotalekuen eta jentil baratzeen pare dut nik sagastia. Eta oraintxe gorenean. Sagardoa eta sagarra bera deus ez lorerik gabe. Lili xume bat bizitza osoaren udaberri. Herri baten udaberri. Gogora ekarri: ez ginateke egungo Euskal Herririk sagastirik gabe. Eta ospatu.

Sagastian ez da soilik sagarrondoa (Malus x domestica) loratzen. Ehunka landare loratzen da: azpiko aldeko belardian, enborretan eta adarretan dituzten apopiloak... Denek osatzen dute sagastiaren loraldia. Edozein ekosistematan bezala, sagasti batean zenbat eta lore desberdin gehiago, orduan eta sasoi hobea. Sagasti batean lore mota gutxi bada, argi! Tratatzeko produktu asko erabiltzen denaren adierazle. Beraz, lore mota asko eta oparo duen sagastiko sagar eta sagarkiak jan-edan.

Sagarrondoaren lilitze-lagunetatik baratxuriek (Allium sp) arreta pizten didate urtero. Eta gero eta gehiago. Maizago topatzen baititut, sagastiz landa ere, bakoitza bere usain, dasta eta kolore ñabardurekin. Gure herrian Allium generoko hauek behintzat topa ditzakegu: A. ampeloprasum, A. ericetorum, A. guttatum subsp. sardoum, A. moly, A. moschatum, A. naepolitanum, A. oleraceum, A. paniculatum, A. pyrenaicum, A. roseum, A. schoenoprasum, A. senescens subsp. Montanum, A. stearnii, A. sphaerocephalon, A. triquetrum, A, ursinum subsp. ursinum, A. victorialis, A. vienale.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Barazkiak eta belarrak

Barazkiak eta belarrak kanaletik interesatuko zaizu...


ASTEKARIA
2013ko maiatzaren 05a
Azkenak EGILEA
Argia buletina
Egunaren laburpena
zure e-postan
Eguneraketa berriak daude