Kontseilu Nagusiak ez du Le Journal du Pays Basquen publizitatea jartzen.

Afera hori ez nuen garaiz trenkatu... Eta orain ez da nire ardurapekoa. Domaia da.

Zer diozu Lurrama-ren arrakastaz, Euskal Herriko Laborantza Ganberaz?

Lurrama ferian egon naiz. Lagunak ditut alde batean nahiz bestean. Bi sindikatuek [ELB eta FNSEA] elkartu eta moldatu behar dute. Biak eredu ezberdinen arabera ari dira lanean, eta aldi berean laborantza ahulduz doa. Arazoa ez da Laborantza Ganbera alternatiboa behar denentz, arazoa da ea behar den energia bilduko dugun, laborantza kinka larrian baita. Esentziala da elkar aditzea egoera zaila salbatzeko. Beraz bi aldeek behar dute batu, bestela fini.

Jon Anza izena ezagutzen duzu?

Bai. Eta sentitzen dut gertatua gertatu izana. Bere zereginei buruz edozein dela gure jujamendua... –badakizu, ni ez nator bat bere bide eta jokamoldeak hartzen dituztenekin– pertsonak errespetua behar du.

Frantziako Gobernuak egin du egin lezakeen edo behar zuen guztia?

Ez dakit.