Nepalgo lehen ministroak dimisioa eman du, protesta gogorren ondorioz
Liskarretan gutxienez hogei pertsona hil dira astelehenean. Astearte goizean, lehen ministroaren etxeari su eman diote manifestariek. Herritarrik gazteenak ari dira protestan, gobernuaren ustelkeriaren aurka, eta bereziki, sare sozialen debekuak eraginda.
Nepalgo KP Sharma Oli lehen ministroak dimisioa aurkeztu du astearte goizean, gobernuak jakinarazi ondotik manifestariek bere etxeari su eman diotela. Ke iluna zabaldu da, eta protestan zeuden gazteek ahaleginak egin dituzte hesi funtzioa betetzen duten zuhaitzak eraitsi eta barrura sartzeko. Ez dute lortu. Gauza bertsua egiten ahalegindu dira Komunikazio ministroaren etxean.
Giroa gaizto dagoela dio Reuters albiste agentziak. Istiluak igande gauean hasi eta nabarmen larriagotu ziren astelehenean. Gutxienez hogei pertsona hil dira liskarretan, eta 400 inguru ospitaleratu dituzte.
Ustelkeria kasuak ezagutarazi dira gobernuaren ingurumarian, eta hainbat neurri polemiko hartu dituzte azken egunotan, lehen protesta ekintzak gertatzen hasi zirenean. Tartean, bi hauek: Katmandu hiriburuko distrituan etxeratze agindua daukate, 12:30etik 22:00etara; eta sare sozialak debekatu dituzte, gobernuaren ustez, profil anonimoek gorrotoa eta gezurra hauspotzen dituztelako, eta "momentu delikatu hauetan" ez delako komeni. Ez da lehen aldia Nepalgo Gobernuak sare sozialen aurka jarduten duela; esaterako, 2023an, TikTok aplikazioa debekatu zuen ia urtebetez, "gizartean inpaktu negatiboa" duela argudiatuta. Araudian moldaketa batzuk egitera behartu zuen enpresa txinatarra.
Gazteak, protestaren buru
Z belaunaldia deritzona (1990eko hamarkadaren hondarraren eta 2010eko hasieraren artean jaiotakoak) ari da protestak antolatzen, batik bat fokua sare sozialen debekuan ipinita. Gazteriak etorkizun ekonomiko eskasa duela salatzen dute, herrialdea krisian ari dela jausten eta ondorioak herritarrik gazteenak ari direla pairatzen. Eta, testuinguru horretan, adierazi dute inkomunikazioa ez dela bidea adierazi dute.
Horrez gain, Indiako NDTV telebistak kontatu duenez, gorrotoa hedatu da aspalditxotik "Nepo Kid"-en aurka. "Nepo Kid" edo "Nepo Baby" gisa ezagutzen dira politikarien eta eragiteko gaitasuna duten pertsonen seme-alabak, eta horietako asko Instagram, TikTok eta gisako sare sozialetan haien aberastasuna eta luxuzko bizitza erakusten aritzen dira, bideoak sarri-sarri sareratuz. Haserrea sortzen dute, ez dutelako esaten bere familiak duen diru hori lapurtutakoa dela. Gainera, algoritmoak aldeko dituztela diote manifestariek, eta gobernuko jendearen babesa eta promozioa jasotzen dutela.
Himalaiako auzi geologikoek bigarren mailan uzten dituzte askotan Nepaleko etnologia -eta etnografia- gaiak. Tontorrez gain, baina, herrialdeak baditu sinesmen eta praktika erritual ugari, baita kultura eta herri aniztasun aberatsak ere. Tradizio horien inguruko polemikarik ere... [+]
India eta Nepalen arteko muga itxi dute bi herrialdeek, koronabirusaren hedapena geldiarazteko. Nepaleko Darchulako distritua, herrialdeko mendebaldean, muga egiten duen horietako bat da, eta itxialdiaren eragina zuzenean pairatzen duenetako bat ere bai. 130.000 lagunetik gora... [+]
Iñaki Otxoa de Olza mendizalearen omenez sorturiko fundazioak hamar urte bete ditu eta hori ospatzeko hainbat ekitaldi antolatu ditu Belaguan asteburuan. Besteak beste, ospitale bat, eskola bat eta umezurtzentzako etxe bat eraiki dituzte urteotan Nepal, India eta... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
ARGIAk 100 urte bete dituela eta, gure hemerotekatik berreskuratutako harribitxiak kontatzen aritu gara Euskadi Irratian Eguberritako asteotan. Atzera eta aurrera aritu gara bidaia kronologikoan eta azkeneko saioan mendiari heldu diogu. Izan ere, 2018ak albiste tristea utzi zuen... [+]
India, 1823. William Lambton Indiako topografia superintendentea hil zen. 1802an hasi zen hegoaldetik iparraldera azpi-kontinentearen azterketa topografikoa egin eta mapatan jasotzen.
Bidhya Devi Bhandari Nepalgo lehen emakumezko presidente izendatu dute. Alderdi komunistako kidea, emakumeen eskubideen eta demokraziaren aldeko borrokagatik da ezaguna.
7,3 graduko lurrikara izan da Nepalen. Namche Bazar hiritik 68 kilometrora izan du epizentroa, Katmanduren ipar-ekialdean, Everesteko beheko kanpalekutik hurbil, eta 15 kilometroko sakoneran, AEBetako USGS geologia zerbitzuak jakinarazi duenez.
Larunbateko lurrikaraz geroztik berririk ematen ez zuten azken bi euskal herritarrekin kontaktatu duela adierazi du Eusko Jaurlaritzak eta horiek aurkiturik onik eta kontrolpeak aurkitzen dira Nepalera turismoa egitera joandako 40 euskaldunak.
Indiako armadako kideek Everest mendia eskalatuko dute, igotako eskalatzaileek utzitako hondakin biodegradagarri ezinak jasotzeko. Apirilaren amaieran ekingo diote eta 4.000 kilo hondakin baino gehiago jasotzea aurreikusten dute.