Adierazpenak
Andoni Tolosa Info7 irratiko esatariak Berrian: "Inoiz baino irrati gehiago entzun daiteke teorian, eta inoiz baino musika ezberdin gutxiago entzun daiteke. Irratiko genero bat galtzen ari da poliki-poliki: kalitateko kolaboratzaileek egiten dituzten kalitateko musika duten saioak. Saio batekin konfiantza hartzen duzunean, bere jarraitzaile bilakatzen zara, eta hori bilakatzen da zure asteroko ordua. Hori galtzen ari da, irrati formula hutsa etsigarrienaren mesedean. Komertzialtasuna da musikak aukeratzeko irizpide bakarra eta beste guztiak, kalitatea batez ere, bost axola. Irratia entzuten dugu leku guztietan eta gero eta pobreagoa dela iruditzen zait. Utzikeria dago".
Fito Rodriguezek Geu Gasteiz aldizkarian, erakundeen kultur politikek Gasteizko panorama artistikoan izan duten eragina berrikustea helburu duen Hari Gorriak proiektuari buruz: "Instituzioek aurrera eramandako kulturaren arautzeak administrazio eredu zurrunak ekarri ditu. Intuizio bidezko prozesu berezkoak geldiarazteko joera hedatuz. Administrazioa eta sorkuntza oso bestelako munduak dira. Hala eta guztiz ere, elkarren beharra dute. Harreman berezi hori azaltzen saiatu gara (...) Bizi kalitateaz harro sentitzen da Gasteiz, baina harrotasun hori alor kulturalera islatu beharko litzateke".
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
