Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
igandea 2024ko maiatzaren 05an
Ezpalak
Artelekuk 18 urte...
Eta Joxe Joan Gonzalez de Txabarri Gipuzkoako ahaldun nagusiak esan duenez, beste hainbeste ere egingo ditu. Donostiako Tabako Fabrikako proiektua gauzatuko dela-eta, Artelekuren patuari buruzko kezka ez da oraingoa. Horregatik, ahaldun nagusiak esan du Tabako Fabrikaren espazioaren definizioak kultur baliabideak aztertzea eskatuko duela eta hor Arteleku giltza dela.
Etorkizun hurbilari helduz, 2005eko proiektuak aurkeztu dituzte ahaldun nagusiak eta Artelekuko zuzendari Santi Erasok. Berrikuntzen artean dira Lupa eta imana (pinturaren esperientziatik abiatutako arte praktikarako lantegia) eta Espedizioa (mendia nortasuna bideratzeko espazio gisa hartzen duen ikerkuntza proiektua).
Etorkizun hurbilari helduz, 2005eko proiektuak aurkeztu dituzte ahaldun nagusiak eta Artelekuko zuzendari Santi Erasok. Berrikuntzen artean dira Lupa eta imana (pinturaren esperientziatik abiatutako arte praktikarako lantegia) eta Espedizioa (mendia nortasuna bideratzeko espazio gisa hartzen duen ikerkuntza proiektua).
Lauaxetaren liburu kutunak
Esteban Urkiaga, Lauaxeta, 1937ko ekainean fusilatu zuten tropa frankistek. Etxean liburutegi itzela zuen eta frankistek suntsitzeko beldurrez, EAJko EBBko idazkari izandako Luis Arregik liburu guztien zerrenda egin zuen. 650 izenburu. Liburuak berriz, Baiona bidean jarri zituen. Orduz geroztik ez da haien berririk izan. Baina, liburuen zerrenda agertu da eta Lauaxeta hobeto ezagutzeko, edo behintzat, bere irakurgai kutunak zeintzuk ziren jakiteko balio izan du. Jon Kortazar literatur kritikariak azaldu du nazionalismoa edo euskara gaitzat ez zuten liburu asko irakurri zuela, adibidez, feminismoari, ekonomiari edo psikologiari buruz. Frantziako poesia eta Espainiako 27ko belaunaldia ere oso gustuko zituen. Kortazarren ustez, Lauaxeta «modernoa» erakutsi digu liburu zerrendak.
70eko pinturak Iruñean
Coleccion Caja Navarrako pinturen aukeraketa da «Se70tenta» erakusketa. 70eko hamarkadakoak dira guztiak, 22 artisten 45 obra. Dámaso Munarriz Nafarroako Kutxa Fundazioko zuzendariak dioenez, «70eko hamarkada pinturaren jokaleku errebeldea izan zen. Artistetako inor ez zen estetikaren ingurumaritik at geratu». Horietako batzuk dira Alfredo Alcaín, Jose Ramon Anda, Joaquín Resano eta Pedro Osés. Iruñeko García Castañón kultur aretoan apirilaren 17a arte dago ikusgai erakusketa.
Iparraldeko Haur Kantu Txapelketa
Euskal Kantagintza sendotzea, sorkuntza sustatu eta kantua zabaltzea xede dituen txapelketa martxan da. Apirilaren 9an eta 10ean nafarrak Aiziritzen lehiatuko dira. Urtero 50 kantu inguru aurkezten dira kanporaketa honetara, eta aurten partehartze handiagoa izango dute. Zuberotarrek apirilaren 17an kantatuko dute, Maulen. Kanporaketa honek ere badu bere berezitasuna, Zuberoatik kanpo oso haur gutxik abesten baitu ahots hutsez. Lapurtarrak maiatzaren 14 eta 15ean entzun ahal izango dira, Hazparnen. Gainera Lapurdin bereziki, eskoletan haurrek txapelketa prestatzen dute. Oraindik erabakitzeke dago herrialde bakoitzeko bi edo hiru kantari pasatuko diren finalera. Txapelketan bakarka, binaka edo taldeka parte hartuko dute, eta sail bakoitzak izango ditu bere sariak. Sari bereziak ere badira, esaterako, sorkuntzari eta ahotsari emandakoak, baita kantu bereziena eta interpretazio onena epaitzen dituena ere.
Saxoaren eromena: 7 emanaldi Bilbao Distrito Jazz 2005ean
Apirilaren 16 arte era guztietako jazzak astinduko ditu Bilboko Begoña, Deustua eta Rekalde auzoak eta hiria bera. 7 emanaldi izango dira guztira, eta zikloa Victor de Diego Quartet-ek hasi zuen, martxoaren 4an. Bartzelonan bizi den saxofoi-jole bilbotar honek laugarren diskoa aurkeztu berri du: Oraindik ametsetan (Gaztelupeko Hotsak). Kantu denak berak sortutakoak dira, eta jazzetik rockerako estiloak batzen ditu, erritmo latinoak ere frogatuz. Bizkor ibilita, Doris Cales Quartet-en feeling-a sentituko duzue apirilaren 16an. New Yorkeko kantaria bakarlari arituko da, eta berak adierazi duenez, "beti interpretatu nahi izan ditudan abestiak" aukeratu ditu. Zikloa itxiko duen azken kontzertua, berriz, didaktikoa izango da, batez ere umeei zuzendutakoa, apirilaren 16an, 11:30ean.
Literatuztaren laugarrena kalean
Azpeitiko Literatuzta taldearen aldizkariak, Literatuztak, hotela hartu du gai nagusitzat laugarren alean. Hamahiru idazlek poemak eta narrazioak izkiriatu dituzte hotela aitzaki. Gai beraren inguruko argazkiez lagundu dute argitalpena.
Emakume Idazlearen Eguna
Munduan diren gainerako 140 PEN Clubek bezalaxe, Euskal PEN Klubekoek Emakume Idazlearen Eguna ospatuko dute, herri eta hirietako liburudendetan emakumeek euskaraz idatzitako liburuei txoko bat eginez, martxoaren 7tik 12ra.
Salsa Kongresua
Asteburu honetan (hilaren 11tik 13ra) Euskal Herriko I. Nazioarteko Salsa Kongresua egingo da Bilbon eta Donostian. Besteak beste New York, Mexiko, Argentina, Cuba edo Pariseko dantzariek hartuko dute parte, Euskal Herriko ordezkariekin batera. Gauez ikuskizunak eta festak egingo dira. Baita ikasi nahi dutenentzat tailerrak ere. www.salsabastian.com helbidean aurki daiteke xehetasun gehiago.
Arte ikastaroak Amazonian
Lan egiten duen inguruneak eragina izan ohi du artistarengan. Harreman horretan sakontzeko, Brasilgo Mamori aintzirara hurbilduko da Euskal Herriko eta Kataluniako hainbat artista uda honetan, ekaina eta urria bitartean. Artistok, elkarrekin bizitzeaz gain, argazkilaritza, arkitektura, diseinu eta soinu workshop edo ikastaroak burutuko dituzte Amazonian.
Irakurrienak
Matomo erabiliz
#1
Beranduegi
|
ARGIA
#2
Xabier Letona Biteri
#4
Gorka Peñagarikano Goikoetxea
#5
Jon Hidalgo Gereñu
#6
Gorka Bereziartua
Azkenak
2024-05-06
Nagore Zaldua
Arrosarioa, sexu-estrategia aurrerakoiaren adierazle
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
2024-05-06
Jakoba Errekondo
Intsusa lore edariak
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
2024-05-06
Garazi Zabaleta
Erlauntzako airea arnastearen onurak
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
2024-05-05
Jenofa Berhokoirigoin
Adimen artifizialaren esku utzi du palestinarren hilketa Israelek
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Eguneraketa berriak daude