Gartxot Korsikan: Vai e‘fa’ti leghje!!!
- Marko Armspach, Jokin Larrea eta Asisko Urmenetak egindako Gartxot komiki liburuak Korsikako Nazioarteko Komiki Jaialdian Mediterraneo Saria irabazi du.
Korsikakoek ez omen dute irakurtzea laket, eta Vai e'fa'ti leghje!!! (Hoa irakurtzera!!!) erranik bidaltzen dute nornahi pikutara. Komikia, nonbait, gogokoago daukate, Nazioarteko Komiki Jaialdia ospatu berri baitute bigarren urtez abenduaren 5, 6 eta 7an. 10.000 lagun pasatu dira Saloian barrena, lerro-lerro, norberaren marrazkilari kuttunari dedikatoria kendu nahian.
"Case et Bulle" komikizaleen elkartekoak zain geneuzkan Aiacciuko aireportuan. Hegazkinean detektaturik genituen bertze bi ustezko marrazkilariak ere bildu zaizkigu (Rotring 0'001eko bixarra, aire bohemioak...), eta busez eraman gaituzte Saloira. Undergroundetik gatozenoi »euskal komikilari gutiz gehienok» antolaketa hau zientzia fikzioa zaigu. Uharteko notableek hartu gaituzte bertan, aperitifa hartu, eta aurpegia eman diegu telefonoz ezagutuak genituen Maria, France eta Frèdèric casetbulletarrei.
Saltegi nagusia erdian emana dago, eta inguruan marrazkilari eta gidoilari bakoitza bere mahaian jarria; 48 inguru. Etiketen bidez jakin dugu norekin geunden orpoz orpo: Dorison, Yoann Toto ornitorrinkoaren egilea, Serge Le Tendre mitikoa, Bianco, Batti, Vallée, Tanquerelle, Kerfriden... figurette (komiki korsikeraz) munduko behi sakratuak.
Zinema aretoan Miyazaki eta Disneyen filmak ikusgai. Paretetan Loiselen Peter Pan erakusketa eskegita. Eta gu lorian.
Zaleak hasi dira sartzen. Erdiko saltegira jo, albumak hostokatu, erosi, eta egilearengana datoz dedikatoria eske.
Guk Gartxoten sinopsia egina dugu, korsikeraz eta frantsesez, eta eskupapera banatu diegu interesatuei. Lehen klientea Saloiko tabernaria izan da, gu harena garen ber, eta ale parea erosi digu. Zuberoako Pagolan ahizpa esposatua duen bat etorri da gero, Star Academyko Patxiren aldeko neskato batzuek... Baina izan da Euskal Herriarekin bat ere harremanik izan gabe, Gartxot erosi duenik ere. Gehienak. Txundigarri. Karikatura errukigabea eraman dute ordainez albumean.
Otorduetan eta, marra ikusezin batek bereizi ditu komikilari taldeak: batzuk ez dira gelditzen zirrizorroak egitetik paperezko napan, bertzeek lanalditik kanpo deusik marraztu nahi ez duten bitartean. Lehen taldean korsikarrak eta euskaldunak nagusi, bigarrenean frankobelgikarrak. Kontzeptu kontua.
Eskolak eta kazetariak ere hurbildu dira Saloiko gure mahaira eta paper handitan guk Gartxoten trajeria laburtu. "Ibañetatik behera, Konpostelarako bidean gaindi...". Marrazkia beti nazioarteko hizkuntza.
Larunbat ilunabarrean Udaletxera bildu gaituzte parte hartzaile guztiok. Napoleoniar Aretoan (nonbaitetik ere) harrera, eta Bla Bla eta Glu Glu.
Mediterraneo Saria eman digu Korsikako Biltzarrak. Eta Acqua Vita botila parea antolatzaileek gero. Glu Glu eta Bla Bla luzatu dira Aiacciuko portuan goitik eta beheitik...
Israel eta Hamas negoziaketa betean dira, Trumpek proposatutako su-etenerako planaren harira. Ekialde Hurbileko zenbait hedabidek informatu dutenez, bahitu israeldarren trukean askatu behar dituen preso palestinarren izenen zerrendan jarri zuten Marwan Barghouti, baina... [+]
Donald Trumpek ostegun goizaldean iragarri zuen Hamas eta Israelen arteko akordioa eta ostiral goizaldean berretsi du Israelgo Gobernuak. Oraindik, alabaina, ostiral goizean Gazan Israelgo okupazio armadaren erasoak gertatzen ari ziren, besteak beste Khan Younis hirian.
Elbit Systems enpresa Israelgo arma fabrika handiena eta armadaren hornitzaile handienetakoa da. Mecanocauchoren erabakia “elkartasun internazionalistaren garaipena” dela iritzi dio BDZk.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Nafarroako Gobernuak Israelgo Estatuarekin edozein harreman hautsiko zituela iragarri ondoren, Osasun Sailak adierazi du ez dituela luzatuko Israelgo enpresen hiru farmakoren kontratuak.
Gazte Koordinadora Sozialistak Beasaingo CAF enpresaren barnean pintaketak egin ditu, enpresak “kolonizazio prozesuarekin lotura” duela seinalatuz, prentsara igorritako oharrean. Sare sozialetan zabaldu dute bideoa.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Bartzelonako Coòpolis Ateneo Kooperatiboak bultzatzen duen Migrazioaren eta Ekonomia Solidarioaren Zirkuluak joan den urriaren 4an Katalunia Plazan antolatu zuen azokan sartu zen polizia. Ekitaldia aurrera eramatea eragozteaz gain, antolatzaileek eraso fisiko zein... [+]
Hamasek 48 bahitu askatuko ditu astelehenerako, eta Israelek 2.000 preso. Ostegun honetan dute izenpetzekoa lehen faseari buruzko akordioa; bigarren faseari buruzkoaz, ordea, ezjakintasun eta hauskortasun handiagoa nabaria da.
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Bartzelonako garraio konpainiak klausula bat dauka, betoa jartzen diena NBEko Giza Eskubideen erakundeko zerrendetan dauden enpresei. CAF zerrenda horretan dago, Jerusalemgo trenbideko lanengatik. 39 tren eta 321 milioi euroko kontratua legoke jokoan.
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Global Sumud Flotilla pasa den asteazken gauean bahitu zuen Israelgo armadak, eta bigarren flotilla bat abiatu zen Gazara, laguntza humanitarioa ematera eta blokeoa haustera. Freedom Flotilla and Thousand Madleens ontzidia ere bahitu dute, eta 140 ekintzaile atxilotu.
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.