Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko apirilaren 29an
ERDIRA LERRATZEN DEN GIZARTE ANITZA
Zuberoako politikagintza entelegatu edo ulertu ahal izateko bertako soslai-soziala ezagutu beharra dago. Maule nahiz Atharratzeko kantonamenduetako bozken emaitzak dira zuberotar gizartearen baitezpadako adierazleak. Hauteskundeetako lehian alderdi ugarik hartzen du parte; ideologikoki, gizarte zabala eta anitza denaren erakusle izaki. FN -eskuin muturra-, RPR -eskuin-gaullistak-, UDF -zentristak-, PS -sozialistak-, PCF -ko-munistak- eta AB -euskal abertzaleak- alderdiek hartzen dute bertako politika instituzionalaren eremua. Maule eta Atharratzeko kantonamenduetako kontseilari nagusiak dira egungo politiko esanguratsuenak: Jean Pierre Mirande eta Michel Arhancet. Biak ala biak, politikari independienteak bezala agertzen dira, baina azkeneko hauteskundeetan UDF alderdiaren sustengoari esker hautatuak.
Euskal Departamendua da zuberotarren artean eztabaidatzen hasi den gaia; berriki arte gai aipaezina zen departamenduarena. Azkenaldion, Ipar Euskal Herri mailan zabaldu den interesari esker, zuberotarren gai tabu izateari utziko ote dion susmoa antzematen hasia da, naski
Euskal Departamendua da zuberotarren artean eztabaidatzen hasi den gaia; berriki arte gai aipaezina zen departamenduarena. Azkenaldion, Ipar Euskal Herri mailan zabaldu den interesari esker, zuberotarren gai tabu izateari utziko ote dion susmoa antzematen hasia da, naski
PROIEKTU SINPLE, BAINA HANDIZALEA
Zuberoako erronka sinplea da: joera demografikoak aldatzeko eta gazteak planta daitezen, enplegua sortu behar da bertan -600 lanpostu hamar urteetan-. Zeregin horretan, lurraldearen erakargarritasuna garatuz eta bitartekoak balorizatuz, bere aberastasuna baliatu beharra dauka, hots, ingurumena, kultura, ondarea...
Hainbat lantalde ari da kari horretara, lan eremu ezberdinetan irudimena lantzen dute datozen hamar urteotan burutu behar diren ekimenak garatzeko. Proiektuaren lehenbiziko hiru urteetako egitasmoak Estatua, Erregio Kontseilua eta Kontseilu Nagusiarekin sinaturiko PCD -Garapen Xede Amankomuna- baten arabera garatuko dira; ekimenen garapen zuzenari lotua den hainbat erakunde parte delarik.
Hainbat lantalde ari da kari horretara, lan eremu ezberdinetan irudimena lantzen dute datozen hamar urteotan burutu behar diren ekimenak garatzeko. Proiektuaren lehenbiziko hiru urteetako egitasmoak Estatua, Erregio Kontseilua eta Kontseilu Nagusiarekin sinaturiko PCD -Garapen Xede Amankomuna- baten arabera garatuko dira; ekimenen garapen zuzenari lotua den hainbat erakunde parte delarik.
NEKAZAL-INDUSTRIALAREN BIRMOLDAKETA.
Oinetakoen sektorea behera etorri den arren, Zuberoa ipar-barnealdeko lehen arro industriala da, eta bere garapen gaitasuna bizirik dago hainbat aktibitate eta eremutan. Horiek horrela, birmoldaketa plan bat abian jarri da bertako enpresak garapen molde berri batean indar daitezen; era berean, Zuberoa kanpoko enpresen helburua izan dadin prospekzio bat burutu nahi da.
LABORANTZA, HIRU OINARRIETAKO BAT.
800 etxalde inguru direlarik, laborantzak hartzen du Maule eta Atharratzeko bi kantonamenduetako enpleguaren herena. Berau da haranaren bizitzaren ardatza, biztanle guztien bizitzaren moldatzaile. Hots, garapen proiektuaren funtsezkoa da. Lau dira lan taldeek eskuartean dituzten egitasmoak:
- Enpresa filialen garapena: hauen ekoizpenak gure eskualdearentzat berebiziko balioa duela.
- Enpresen arteko transmisioa.
- Artzaintza-laborantza eta bailara ezberdinen arteko osagarritasuna: mendiko udatiarren gunea, erdialdeko gunea eta beheko lautada.
- Enplegu partekatua eta laborariaren lanbide balorizatua.
Proiektu handizalea da, 2010. urtera bitartean urratu behar diren bideak markatuko dituena. Zuberoako Herrien Erkidegoa -Communauté de Communes- egitura berriak gidatua izanen da erakunde eta profesionalen partaidetzarekin
- Enpresa filialen garapena: hauen ekoizpenak gure eskualdearentzat berebiziko balioa duela.
- Enpresen arteko transmisioa.
- Artzaintza-laborantza eta bailara ezberdinen arteko osagarritasuna: mendiko udatiarren gunea, erdialdeko gunea eta beheko lautada.
- Enplegu partekatua eta laborariaren lanbide balorizatua.
Proiektu handizalea da, 2010. urtera bitartean urratu behar diren bideak markatuko dituena. Zuberoako Herrien Erkidegoa -Communauté de Communes- egitura berriak gidatua izanen da erakunde eta profesionalen partaidetzarekin
Irakurrienak
Matomo erabiliz
#1
June Fernández
|
Pikara Magazine
#2
Miel Anjel Elustondo
#3
Askatasunaren Ontzidiko euskal aktibistak
#4
#5
Jenofa Berhokoirigoin
Azkenak
Olaia Beroiz: "Emakume errepresaliatuen kemena gogoratzea ezinbestekoa da"
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
Eguneraketa berriak daude