SAREKO SOS GEHIENAK DAUDE ESTATU BATUETAN
- International Data Corporation enpresa amerikarrak emaniko datuen arabera, 2000 amaierarako 160 inguru bilioi pezeta mugituko ditu Internetek sortutako ekonomia berriak. Horrek esan nahi du orain artean negozio bakar batek ez duela gisa honetako hazkunde erraldoirik bizi izan.
aurre egingo dieten hedabide independenteak
Sarea asmatu zutenez, amerikarrak dira gaurko egunean nagusi Europak artean eragin txikia duen merkatuan, baina Europa biziki ari da egoera berrira egokitzen. Forrester Research teknologia kontsultategiak egin berri duen azterketa baten arabera, 72 milioi europarrek bisitatzen dute Internet. Amerikarren kopuru berberak 1,5 inguru bilioi pezeta (60.000 milioi libera) gastatu zuen iragan Gabonetan sarearen bidez on line erosketak egiten. Europan "%20k baino ez ditu erosketak egiten, eta %34k geroago dendetan eskuratzen dituzten artikuluak bilatzen ditu; ez du sekula ere arriskatzen; erosketak produktu merkeetara mugatzen dira, liburuak edota CDak; %68k artikulua ikusi egin nahi du erosi baino lehen, eta %72k ez dizkie bere informazio pertsonal eta finantzarioak on line dendei eskaini nahi".
Kontsultategi horrek eginiko txostenean egiaztatu egiten da Europak sarean mugitzeko dituen ohiturak nabigatzera eta e-mailak igortzera mugatzen direla. Lehen fase hau guztiz gaindituta dago Estatu Batuetan, baina Europan pixkanaka-pixkanaka aldatzen ari dira gauzak. Ildo honetatik, internauten kopurua asko handituko dela iragarri dute, egun 47 milioi badira 2003. urterako 70 milioi izango baitira. Kontsultategi honen arabera, merkataritza elektronikoak Europan 266tik gora bilioi mugituko ditu 2004. urterako, hots, guztizko merkataritzaren %6. Hortaz, datozen lau urteetan, Europan gaurko egunean sei bilioi pezeta mugitzen dituen merkataritza elektronikoaren hazkunde-erritmoa %100 baino askoz ere handiagoa izangoa da urtean.
Europaren baitan Espainiako Estatuak duen potentziala garrantzitsua dela ematen du, Interneten erabiltzen den hizkuntza ingelesa izan arren, Europako beste estatuek ez dituzten aukerak ematen baitizkio Hego Amerikako merkatuak Espainiako Estatuari. Adituen arabera, Hego Amerikako merkataritza elektronikoak egun 26.000 milioi pezeta mugitzen baditu, ia 1,3 bilioi pezeta mugituko ditu 2003. urtean. Asociación Española de Comercio Electrónico (AECE) elkarteak emaniko datuen arabera, merkataritza elektronikoak 8.500 milioi pezeta mugitu ditu 1999an Espainiako Estatuan. Iturri horren esanetan kopuru hori 255.000 milioikoa izango da 2002. urterako. Gobernu espainiarrak eginiko aurreikuspenetan, negozio honek 80.000 inguru milioi pezeta mugituko ditu 2000. urte honetan, baina AECE bezalako beste iturri batzuek kopuru apalagoak erabiltzen dituzte
1.- Gazte europarrek Aro Digitalean sarrera izan dezatela sustatu behar da.
2.- Interneterako sarbideek merkeagoak izan behar dute.
3.- Merkataritza elektronikoaren garapena bizkortu behar da.
4.- Ikerlariek eta ikasleek sarbide lasterra izan behar dute sarera.
5.- Interneten sartzeko segurtasuna eskaini behar da txartel adimendunen bidez.
6.- Arrisku-kapitala erraztu behar zaie teknologia aurreratua erabiltzen duten enpresa txiki eta ertainei.
7.- Elektronikan inplikatu behar dira minusbaliotasunak dituzten pertsonak.
8.- Osasun atentzio elektronikoa bultzatu behar da.
9.- Garraio adimendunak antolatu behar dira.
10.- Gobernuak sarera bildu behar dira.
Honenbestez, Internetek Europako burtsetan dituen tituluen balorea hirukoiztu egingo da 2000. urte honetan. Merry Linch enpresa espezializatuan lan egiten duten adituen esanetan, aurtengo ekainean 150.000 inguru milioi dolarreko balioa izango dute Internetek Europako burtsetan dauzkan baloreek, eta kontuan eduki behar da 1999ko irailean titulu horien balioa 50.000 milioi dolarrekoa zela. Hortaz, enpresa espezializatu horrek eskainitako aurreikuspenak betetzen badira, hirukoiztu egingo da Internetek Europako merkatuetan izango duen balorea.
Hala eta guztiz ere, oraindik oso zabala da EEBBetako merkatuen eta Europakoen burtsa-baloreen arteko arraila. Dow Jones Internet Indizea osatzen duten 40 baloreen burtsa-kapitalizazioak (240.000 dolar), lauz biderkatzen du Bloombergeko Beunet Indize europarra osatzen duten 79 burtsa-baloreen kapitalizazioa.
Telefonicaren filiala den Terra sozietatea Europako merkatura atera bezain laster, kapitalizazioaren buruan jarri zen %21,48ko merkatu-kuotarekin, eta ondotik datoz Freeserve britainiarra (%11,5) eta Intershop eta Consors alemaniarrak (%7,1 eta %5,8 hurrenez hurren). 1999. urte amaieran eta burtsan aurkeztu eta berehala, % 280 igo zen Terra, eta une horretan 2,2 bilioi pezetako kopurura iritsi zen burtsa-kapitalizazioan. Terrak Espainian duen balioa EEBBetako aitzindarienekin alderatuta esan beharra dago Amerika Online (AOL) enpresak, kapitalizazioaren arabera Interneten balio handiena duenak, 1999ko urte amaieran 200.000 milioi dolarreko balioa zuela, Terra enpresak halako hamasei!
Orain Internet enpresak Europako burtsetara noiz aterako zain gaude. Lerro hauek argitara ematerako agian burtsan izango dira World Online International talde holandarra, Lycos Europa, eta Deutsche Telekom, France Telekom eta Telecom Italia atariak. Eta grina hau Espainiako Estatura ere iritsi da. Izan ere, Baloreen Merkatu Batzordeak, estatu osoko burtsak arautzen dituenak, prest eduki nahi du maiatzerako teknologia aurreratuko enpresen merkatu berri hau, ez baitute irabazirik bermatu behar. Enpresa internauten talde txiki bat burtsara ateratzeko prestatzen ari da, horixe baita talde horren finantziazioa bermatzeko funtsezko urratsa. Txosten hau argitara ematen denerako, agian aditzera emana izango du baloreen batzordeak. Eta baliteke ordurako sukarra areagotzea enpresa mota honek berekin batera dakartzan arrisku guztiak kontuan izan arren. Batzuk sendotu ahal izango dira baina, agian, beste asko izango dira Interneten burbuilaren osagarri eta, beraz, desagertu egingo dira bihar-etzi.
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
Caddo hizkuntza gorde eta biziberritzeko ahaleginean ari den ekintzailea da Alaina Tahlate. AEBetako jatorrizko caddo herriko hizkuntza hori jario oneko hiztun bakarrarekin gelditua zen: Edmond Johnson, 95 urteko hiztunarekin. Tahlate gazteak aitortu zion estutasunez bizi zuela... [+]
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osasuna futbol taldeak bat egin du Nafarroako Abiadura Handiaren aldeko plataformarekin, azken honek ostegun honetan jakinarazi duenez. UGT sindikatuak eta Eraikuntzaren Industrializatzearen Aldeko Nafarroako Klusterrak ere bai.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Ikasleek pantailekin duten harremana aztertu eta "Heziketa digitala LH eta DBH" izeneko txostenean jaso dituzte ondorioak Macsonrisas-eko kideek.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.