LIZARRA-GARAZI SOZIALIZATUZ


2021eko uztailaren 19an
LIZARRA-GARAZI SOZIALIZATUZ
EKITALDI publikoa egin zuten igandean Lizarra-Garaziko sinatzaileek Donostian. Datozen asteetan egingo dituzte Iruñean, Bilbon, Gasteizen eta Baionan. Euskal gizartean eta Europan ere akordioa zabaltzeko asmoa agertu dute eta logotipoa ere ezagutzera eman dute. Azkenik, egoitza bat ere zabaldu dute Donostiako Salamanka Pasealekuko 14. zenbakian eta Olatz Alberdi hautatu da Akordioaren kudeaketa lanak aurrera eramateko.

KALE BORROKAREKIN BUELTAKA
IRAGAN astean Javier Balzak, Eusko Jaurlaritzako Barne Kontseilariak, PP eta PSE-EEren erasoaldi parlamentarioari egin behar izan zion aurre kale borroka zela eta. Balzak ihes egitea lortu zuen, baina azken agerraldia izango ez dela jakitun izanik. Madrilgo Gobernuaren geldikortasun eta erasoaldiari kale borrokarekin erantzuten jarraitzen dute batzuek «Euskal Herriaren defentsarako eskubidea» argudiatuz. Ekaineko hauteskundeetara begira egoera hau mantenduko den ala ez da, besteak beste, galdera ikurretakoa. Terrorismoaren Euskal Herriko Biktimen Kolektiboak, bestalde, hilaren 27rako bilkura bat deitu du kale borrokak eragindutakoei elkartasuna adierazteko.

JARRAI-REN 20. URTEURRENA
MAIATZAREN 6an beteko dira Jarrai erakundea sortu zela 20 urte eta urteurrena ospatzeko abian dira jada jarraizaleak. Portugalete eta Areetan ekin zioten ibilaldiari eta, Euskal Herri osoa zeharkatu ondoren, datorren larunbat honetan iritsiko dira Iruñera. Apirilaren 1ean beste ibilaldi erraldoi bati ekingo diote, Donibane-Lohizunen hasiko da eta 4.000 inguru lagun bildu nahi dituzte martxarako. Apirilaren 3an Intxaurrondoko Guardia Zibilaren aurrean kontzentrazioa egingo dute eta 3an amaiera emango diote Donostiako Belodromoan egingo den jaialdiarekin.

ETXEKO LANEN AITZAKIAN
EZKER BATUAren ekimenez, Eusko Legebiltzarrak etxeko lan ez ordainduen balorazioa egin dezan agindu zion Emakunderi. Lan mota hau gizarte segurantzan kontuan har dadin urrats gisa hartu izan da. Gai honekiko PP, PSE-EE eta IU-EBren arteko kontsentsua kritikatu zuten EAJ, EA eta EHk. Proposamenarekin ados agertu arren, alderdi estatalisten jarrera kritikatu zuten, beren ustez Espainiako Legebiltzarrean gehiengoa izanik, horrelako ekimen bat zuzenean jarri baitezakete indarrean. Proposamena, ostera, Jaurlaritzak oraindik eskumenik ez duen alorrean egiten da.

EH-REN SOSTENGUA
EH-tik adierazi denez, Aste Santua baino lehen hitzartu daiteke Jaurlaritza sostengatzeko akordio orokorra. Formula zein izango den airean da oraindik, Ibarretxe lehendakariak EHk kale borroka gaitzetsi edo harekiko bere errefuxapena agertu arte ez dela sinatuko iragarri baitzuen iragan astean egindako agerraldi berezian. Edozein modutan, akordio honez gain, legealdian zehar sail bakoitzak dituen proiektuekiko akordio zehatzak gauzatu beharko dira eta horietarako ez da samurra akordiorik aurrikustea; beraz, unean uneko negoziazioekin konpondu beharko dira.


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude