Zortzi kazetari hil dituzte dagoeneko aurten beren lana egiteagatik
2023ko Prentsa Askatasunaren Munduko Indizearen arabera, kazetaritzarako giroa "txarra" da munduko hamar herrialdetatik zazpitan, eta eduki faltsuek prentsa askatasunean izandako ondorioak nabarmendu ditu. Mundu osoan zortzi kazetari hil dituzte 2023an, ehunka dira atxilotuta eta iaz 85 profesional hil zituzten.
Kazetarien segurtasunaz arduratzen den INSI erakundearen eta Safety of Journalists plataformaren datuen arabera, urtarriletik zortzi kazetari hil dituzte mundo osoan: Bogdan Bitik (Ukrainian), Hosein Naderi (Afganistanen), Dylan Lyons (AEBetan), Shashikant Warishe (Indian), Jean-Jaques Ola Bebe (Kamerunen), John Williams Ntwali (Ruandan), Martinez Zogo (Kamerunen), eta Pal Kola (Albanian).
Safety of Journalistek 2015etik biltzen du hedabideen askatasunaren eta kazetarien segurtasunaren kezka larrien inguruko informazioa. Haren arabera, egun 153 kazetari daude espetxeratuta Europan. Horien artean da Pablo Gonzalez euskal kazetaria.
Hori salatzeko kontzentrazioa deitu dute 19:30ean Gernikako Merkurio plazan.
2022an hildako kazetarien kopurua %18,8 hazi zen
Iaz, 85 kazetari hil zituzten mundu osoan. Horietatik hamahiru Europan (hamabi Ukrainian, eta bat Turkian). Mugarik Gabeko Kazetariak erakundearen arabera, 2022an hildako kazetarien kopurua %18,8 hazi zen eta adierazi zuen Ukrainako gerrak jatorrizko herrialdetik kanpo hildako kazetarien kopurua handitzen lagundu duela.
Mugarik Gabeko Kazetariek adierazpen askatasunaren mapa eguneratua argitaratu dute gaurko egunez.
Kazetaritzarako giroa "txarra" da hamar herrialdetik zazpitan
Europapressek jaso duenez, 2023ko Prentsa Askatasunaren Munduko Indizeak 180 herrialdetako kazetaritzarako ingurunea ebaluatzen du. Kazetaritzarako giroa “txarra” da hamar herrialdetatik zazpitan, eta "ona" soilik hirutan.
Indizeak ekosistema digitalaren eduki faltsuaren industriak prentsa askatasunean izan dituen ondorioak nabarmendu ditu. 118 herrialdetan Indizeak inkestatutako gehienek jakinarazi dute beren herrialdeetako eragile politikoak desinformazio edo propaganda kanpaina masiboetan sartuta daudela. Hortaz, egiazkoaren eta faltsuaren aldea lausotzen ari dela azpimarratu du, informaziorako eskubidea urratuz.
Sholomo Karhi Israelgo Gobernuko Komunikazio ministroak ez du gustuko Haaretz egunkari israeldarra gerra nola ari den lantzen, eta bere kontrolpean diren publizitate eta harpidetza guztiak kentzeko mehatxu egin dio. Israelgo Kazetarien sindikatuak elkartasuna adierazi dio... [+]
Ustelkeria kasuak argira ekarri izanagatik ezaguna da José Rubén Zamora. Siglo Veintiuno, El Periodico eta Nuestro Diario komunikabideen sortzailea da. Iazko uztailean sartu zuten preso, Alejandro Giammattei presidenteari loturiko ustelkeria kasu bat plazaratu eta... [+]
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
2019an atxilotu zuten, talde terrorista bateko kide izatea egotzita. Telebista kate bereko beste bi kazetari oraindik Egipton daude espetxeratuta.
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.