Amnesty Internationalek epaiketa justua eskatu du Pablo Gonzálezentzat
Kazetaria otsailaren 28tik preso dagoela gogorarazi du eta behar diren berme judizial guztiekin egindako auzia eskatu du harentzat, besteak beste, berak hautatutako abokatua izatea eta bere familiarekin komunikatzeko aukera.
aurre egingo dieten hedabide independenteak
Giza eskubideen aldeko erakundeak gogora ekarri du Gonzálezi espiotza delitua leporatzen diotela Poloniako agintariek eta, horren ondorioz, Rzeszów hiriko presondegian dutela, berak hautatutako abokatua eta familiarekin komunikatzeko aukera barik.
Halaber, salatu dute kazetariak ez zuela ofiziozko abokatua izan martxoaren 14ra arte, atxilotua izan eta hamasei egun geroagora arte.
Familiarekiko harremana ere funtsezkoa dela dio: "Atxilotuek kanpoko pertsonekin harremanik ez izateak oztopatu egiten du beren defentsa prestatzea, eta haien bizitza pribatuan eta familiarrean, zein osasunean eragiten die".
Elkartea Espainiako Poloniako enbaxadarekin harremanetan jarri da eta herrialdeak eskubide horiek guztiak bermatzeko eskatu dio.
